JOEL 2:28 - PATHIAN LEKHABU THIANGTHO (BSI)

²⁸ Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

JOEL 2:28 ပူးပေါင်းရင်းမြစ်များ

THUPILTE 1:23

Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.

ISAI 32:15

chung lam ah kipat Thagau but khum I hung hi masangsiau, gamkeu gam chu gampha hung suak intin, gam phatna munte chu gammâng ah ngai hung hi’n a.

ISAI 40:5

Ziaphat chuleh, Lalpa lopina chu hung kilang ta’n tin, mi zosia’n zia chu hun mu chiat ta’n au, ti’n Lalpa kam in a la gen ta’ngal a.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

JEREMIAH 23:25

Ka min ah zuau thu bep gen sek jawlneite’n, “Ka manglam in ka mu’n, ka mang in ka mat hi!” a ti zosiau chu ka hesuak hi.

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

EZEKIEL 36:27

La sung ah ka thagau koi ing ka; tichun, ka dante hun zuisak ta’ng ka tin, ka dan thuguatte chingthei tak in zui ta’n la.

EZEKIEL 37:14

La sung un ka thagau koi ing ka tin, hing kit ta’n la tiu in; chuleh, nangmau gam ma ma ah chun hun koi kit ding ka hi; ziaphat chuleh, Keima Lalpa hin ka gen dungzui in, hun bawl ding ka hi ti he ta’n lau,” Lalpa chun a ti tai, ti in.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

DANIAL 7:1

Babulon Lengpa Belshazzar lal kum khatna’n, Danial in a lupna chung ah lum ah, a ngaituana leh a mang ah thil a mute chu. Zia a mang chu a zikdok ta’n:

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

LUKA 1:67

Chun, a pa Zekhariah chu Thagau Thiangtho in a hung dim a, thu a hun genlawk a:

LUKA 3:6

Ziaphat chuleh, mi zosia’n, Pathian hukdamna hun mu ta’n au”.

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

NASEPTE 21:9

Ama chun chanu pawsal neilo, thu genlawk theina nei pali a nei a.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

HEBRAITE 1:1

Masanglai ah khan Pathian in lampi chuam chuam in, I pu leh pateu kiang in jawlneite mang in thu a la gen sek a;

1 SAMUEL 19:20

ziaphatchun, Saul in David man dingin mi a sawl ah. Samuel makaina a kiang ah jawlnei um zosia chu Thagau ah a dim lai tak uh a vamu phât un, Pathian Thagau in Saul mi sawlte chule a hun man ta mai a.

1 SAMUEL 19:21

Zia thu chu Saul a hil phat un, midang a sawl kit ah; amau chule Thagau a hung chang chiat tau a. Tichun, Saul in a thumveina dingin mi a sawl kit ah, amau chule Thagau a hung chang kit chiat tau a.

1 SAMUEL 28:6

Saul in Lalpa kiang ah thu a dot phatin, Lalpa‘n mang lam hileh, Urim hileh jawlneite mang inle a dawnhu ta puai.