JOEL 2:27 - PATHIAN LEKHABU THIANGTHO (BSI)

²⁷ Keima chu Israelte lak in, ka um ngei nai ti leh, keima, Lalpa la Pathian uh ka hi’n, kei tawhbang kuama dang umlo ahi ti hun he ta’n lau. Chun, ka mite chu sukmualpho kit hita pua’n au.

JOEL 2:27 ပူးပေါင်းရင်းမြစ်များ

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

THUPILTE 1:23

Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 44:8

Lau kiu inla, lauthawng him him kiu in; masang lai ah kipat khan ka hun hilsa leh, ka la puanlatsa hita lo a hem? Ka thu hiatpite la hiu! Keima tilo ngal Pathian dang a um him him em? Suangpi det dang a um puai; pakhat chale ka hepuai.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

ISAI 45:6

keima hi Lalpa chu ka hi’n, keima tilo ngâl kuama dang a um puai, ti hi nisuana lam ah kipat, a tumna lam tiang ah mite’n, a hettheina ding un.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

EZEKIEL 37:6

La sung un thagui hun umsak ing ka tin, la chung un phe hun siam in, vun in hun tuam ing ka tin; chuleh, hung ha’thei in, hung hing kit ta’n lau; tichun, Lalpa ka hi ti hun hia’n lau,” ei hun tia.

EZEKIEL 39:22

Zia kipat chun, Israel Inkuante zosia’n Lalpa a Pathian uh ka hi’dan hun hechiat ta’n au.

EZEKIEL 39:28

Namtin lak ah thejak in, amau gam ngei ah ka pui khawm kit tâk ziakin, Keima Lalpa hi a Pathian uh ka hi ti hun he ta’n au. Nam dang lak ah amau mi pakhat chale nusia lo ding ka hi;

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

JOEL 2:26

Tam tak tak in ne’n la tiu in, niang leh tai ah um in, Lalpa la Pathian uh, nang uh â ding ah danglam tak ah, bawlpa min chu pâk ta’n lau. Tichun, ka mite chu sukmualpho kit hita pua’n au.

JOEL 3:17

Chutichun, kei Lalpa la Pathian uh, ka tâng thiangtho, Zion ah ka chêng hi ti hun he ta’n lau. Jerusalem chu thiangtho intin, mikhualte’nle haw malam kit ta pua’n au.

JOEL 3:21

A thisan phubau chu la’ng ka tin, a mawnau chu silthiang lo ding ka hi; Lalpa chu Zion ah a chêng ngal in.

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

ZEKARIAH 2:9

Tu’hin en in, amau kãl in ka khut lâm ding ka hi, amau suakte ma ma simmaw in um in au; ziaphat chuleh, sepai honte Lalpa chun ei sawl ka hi ti hechian ta’n lau.

KISIMNA LEKHABU 11:29

Ahi’n, Mosi’n a kiang in, “Ka thasâng ah amau chu thangsia la hem? Lalpa mipi zosia hi jawlnei hiu hen la, a leng ua chung in Lalpa‘n a thagau koi chiat leh I ti’siat tawh!” a tia.

KISIMNA LEKHABU 23:21

Jakob chung ah siatna tung ding bangma a bawl pua’n, Israel buaina ding a bawl puai. Lalpa a Pathian un a umpi ah, a lak un a lalna a tâklang zing hi.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

DAN LEKHABU 23:14

Lalpa la Pathian uh chu nangmau veng bit ding leh la mêlmateu hun do piak ding ah la lak un a hung pang zing sek ah; ziaziakchun, la lak ua a kiheimang lona dingin, la puanbûk uh chu a thiantho ding ahi.

1 PETER 2:6

Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.