JOEL 2:26 - PATHIAN LEKHABU THIANGTHO (BSI)

²⁶ Tam tak tak in ne’n la tiu in, niang leh tai ah um in, Lalpa la Pathian uh, nang uh â ding ah danglam tak ah, bawlpa min chu pâk ta’n lau. Tichun, ka mite chu sukmualpho kit hita pua’n au.

JOEL 2:26 ပူးပေါင်းရင်းမြစ်များ

THILSIAM THU 33:11

Pathian in ei hepi ziak leh, ka nei tam hun tawk ziak ah hin, lungsiat tak in ka thil hun piak kha ei pom piak in,” ti’n a phût hâm hâm ah. Tichun, a pom tai.

NEHEMIAH 9:25

Tichun, kul nei khawpite leh gam hausa tak chu a lau ah, thuamthil chitin ah dim, tuikhukte, grep huante, Oliv huante, nêk sên lo theiga kungte leh a Inteu chu a lua tau hi; tichun, nevâ in, a thau zo tau a, la thilpha chitin piakte chu kinoptelna’n a mang tau hi.

SAM 103:5

la dam sungsia’n thilpha’n a hun hitai in, tichun, la tanglakna chu mupi vânglai gual ah, siamthak in a um sek hi.

SAM 116:7

Aw ka hinna, la cholna lam ah chun chia kit ta’n, Lalpa‘n la chung ah pha tak in a bawl ta ngal a.

SAM 13:6

Huangphal tak ah thilpha ei bawl piak ziakin, Lalpa choihoina La sa’ng ka.

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

SAM 37:19

hun phalo ah mualpho pua’n tiu in, kial hun inle kiningting in au.

SAM 67:5

Aw Pathian, mi tin in hun pâk uh hen la, mi zosia’n hun pâk tau hen.

SAM 72:18

Lalpa, Israel Pathian chu pâk in um hen la, ama bep in thil lamdang a bawl sek hi.

THUPILTE 13:25

Midik chun ama taina ding khop nêk ding a nei zing in; mi nunsia vang gilkial ah taitêp in a um zing hi.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 29:22

Ziaziakchun, Abraham a la hukdokpa Lalpa chun, Jakob Inkuante chungchâng thu zia gual hin a gen hi: Jakob chu mualpho ta pua’n tin, a mai le mual ta pua’n a.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

ISAI 55:2

An ah ngansia thei lo chawkna’n, bang ding ah dangka mang zo ah, bang ding ah lungkimna ding bawn, tut zo lo ding ah sêmgim la hiu em? Ka thugen hi pha tak in a la ngai unla, an pha chu hung neu inla, an tui tak ne’n kihilim tau in.

THIAMPUTE LEKHABU 25:19

Gam chun a ga sua intin, vâ tak in ne’n la tin uh, bit tak in um ding la hiu.

THIAMPUTE LEKHABU 26:26

La bu In teu ka suksiat phat leh, numei sawmkhat in thuk pakhat ah vaithum kang khawm thei ta’n tin uh, te’ chit chiat in la vaithum ding uh hun pia ta’n tin uh, zia chu ne zo in la tin uh, vâ in, tai diak pua’n lau.

THIAMPUTE LEKHABU 26:5

La buvok hun uh grep law hun in lap intin; la grep law nau in a chi the’ kit hun tiang hun lap kit in ah; la vaithum uh vâ tak in ne’n la tin uh, la gam sung ua bit tak in chêng in lau.

MIKAH 6:14

Ne’n la tin la, vâ diak lo in gilkial zing inla; a bitna dingin thak mang lechinle bangma bit diak pua’n a; la humbit sunte chule chemjam ah pûk dingin, pedok tho tho ding ka hi.

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

ZEKARIAH 9:17

Ama â dingin bang gual ah pha leh kilawm a hita maijen diam! Bu leh bâlte chun tangvalte a chok hal in, uain thakte chun nungakte a chok hal hi.

ROMTE 10:11

Pathian lekha thu chun, “Kuale ama ging chu mualpho pua’n a,” a ti’n.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

DAN LEKHABU 11:15

chuleh, la gam un la ganchateu â dingin hampa hipung in tin, nanghaw’n le vâ tak in nethei ta’n lau.

DAN LEKHABU 12:12

Chun, Lalpa la Pathian uh ma âng ah chun, nang uh tawh, la chapa leh chanuteu, la suakpa leh suaknuteu tawh, la In huang sung ua Levite tawh (amau chun nang uh lak ah chanvo chuam a nei paw’ngâl un) lim tak in la chêng khawm ding uh ahi.

DAN LEKHABU 12:18

Zia thilte hi Lalpa la Pathian un a guatna mun ah chun, nang tawh, la chapa leh chanuteu, la suakpa leh suaknuteu tawh, la khua sung ua um Levite Inkuan zosia tawh, Lalpa la Pathian un, la khut nasepnau zosia a hun maljawlna ziakin, lim leh kipak in la nêk khawm diu ahi.

DAN LEKHABU 12:7

Chuleh, Lalpa la Pathian un la khut nasep gimnau zosia a hun maljawlna ziak ah lim leh kipak tak in, nang leh la Inkuan un Lalpa la Pathian uh ma-âng ah, zia tak mun ngei ah chun la nêk sek ding uh ahi.

DAN LEKHABU 8:10

Niang leh tai ah la nêk zaw phat ua leh, gam pha tak a piak ziak in, Lalpa la Pathian uh chu la pâkcha ding uh ahi.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

1 JOHAN 2:28

Tu’hin, chate haw, ama ah chun um zing tau in; tichun, ama hung kilâk phat leh, a ma-âng ah zakcha lo leh hangsan tak ah I umtheina ding un.