JOEL 2:23 - PATHIAN LEKHABU THIANGTHO (BSI)

²³ Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

JOEL 2:23 ပူးပေါင်းရင်းမြစ်များ

1 LENGTE 8:36

van ah la ngaitha’n la, la suakte leh la mi Israelte ngaidam inla, a zui ding ua lampi pha hil in; chuleh, a golua ding ua la mipi la piak, la gam ah gua hun pia’n.

JOB LEKHABU 33:23

Ama chu a dik hi ti ah panpitu leh genjak piak dingin, vansawlchâk a palai ding, sang khat lak ah pakhat bêk um hihen la,

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

SAM 104:34

Ka ngaituana hi a kipakna lam hi hen la, Lalpa ah chun ka kipak ngal a.

SAM 147:8

Ama’n vânte khi sûmpi a lia sak in, lei â dingin gua a siam piak in, tichun, tângte ah chun hampa a ke’ sak hi.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

SAM 28:7

Lalpa chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

SAM 32:11

Aw midikte haw, Lalpa ah chun lim in kipak unla; mi lungthim dik takte haw, lim in kiko tau in.

SAM 84:6

Bakka guam a hawthen lai unle, tuinâk umna’n a siam un; gawtui ke masa chun dîlte a dimsak sek hi.

THUPILTE 16:15

Lengpa maitaina chun hin leh dam a um in, a lungtaina chu khâl gua hun pua sûmpi tawhbang ahi ngal a.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

KÂ LATE 4:2

Zion chate, amau gik dan bûk sana thiangtho man jat ah lûlte chu, bêlsêkte khutsuak leibêl gual bep ah, ngai a hiziang tau em!

EZEKIEL 34:26

Amau tawh ka tâng kîmvêl ah gamte chu maljawl ing ka tin; a hunbî tak in van gawtuite zuksak ing ka tin, maljawlna gua hita’n a.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

THIAMPUTE LEKHABU 26:4

a hun tak in gawtui hun pia’ng ka tin, gam in a ga sua intin, lou ah thingte’n le a gau sua ding a hiu.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

ZEKARIAH 10:1

Nipi kipat hun a hin, Lalpa kiang ah gawpi zu dingin don un, Lalpa chun thigawpi’n a sûmte a siam in, mitin â ding leh lohing chitin â ding ah, maljawlna gawtuite chu a piai.

ZEKARIAH 10:7

Ziaphat chuleh, Ephraim mite chu, gâlhat tak gual ah um in, uain a dawn lai ua a lungthim uh, a kipak gual in kipak ta’n au. A chateu in zia chu mu’n, lim ma ma intiu in; Lalpa ah chun a lungthim uh kipak ma ma ta’n au.

ZEKARIAH 9:13

Judah chu kei â ding ah thalpi gual in, ka kai khûn ta’ngâl a; Ephraim chu a thalchang in ka mang tai. Aw Zion, la chapate choktho ing ka tin, aw Grikte haw, la chapateu hun dosak ing ka; tichun, mi gâlhatte chemjam gual in, hun leksak ding ka hi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

NASEPTE 14:17

tu’hin vang chu, ama chu a hetpi umlo in a kikoi ngai ta pua’n; thilpha a bawl zing in, van ah kipat gawtui leh a hun tin ah ga te, nêk leh châk leh kipakna’n I lungthimteu a hi’dim hi,” a tiu a.

DAN LEKHABU 11:14

La buteu, la uainteu leh la Oliv thauteu chu pha tak ah la lak khawm theina ding un, la gam un a hun takin gawtui masa leh a nunung chu hun pia ding ahi;

DAN LEKHABU 28:12

Lalpa chun a hun chet chet ah la gam uh chapno ding gawtui hun pia ding leh, la khut nasepnau taphot hun maljawl dingin, van, a hausakna van koina hun hon piak in a; chutichun, nam tamtakte kiang ah bat lâksak in la tiu in, nang un vang kuama â ba pua’n lau.

DAN LEKHABU 32:2

Hampa lak ah gawnêl zu gual in, ka thuhilte chu gawtui gual in zu hen la; thâi kekthakte chung ah gawmal phîng gual in, ka thugente chu daitui gual in kia hen.

PHILIPPI 3:1

A tawp pen ah chun, ka suapite haw, Lalpa ah chun kipak un. Thu kibang ma ma la kiang ua hun zik kit hi kei â dingin chimchâk um a hipua’n, nang uh a dingin a phazaw ngal a.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

PHILIPPI 4:4

Lalpa ah chun kipak un; ti kit ngen ing ka kipak un.