JOEL 2:2 - PATHIAN LEKHABU THIANGTHO (BSI)

² thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

JOEL 2:2 ပူးပေါင်းရင်းမြစ်များ

SAM 10:6

A lungthim un, “Kilîng pua’ng kau, suan zosia tiang inle siatna tuak pua’ng kau,” ti’n a ngaitua zing ui.

SAM 97:2

Sûmpi leh thim in a tuamvêl hi; dikna leh vaihawmna dik chu, a lalchutpha kingakna ahi.

PAWTDAWNA THU 10:14

Khaubepite chu Aigupta gam pumpi chun a vak jak tau ah, Aigupta gam pumpi chu a dapsuak ziang tau hi; zia gual ah khaubepi tam hi tu’ma khan hetkhâk a la hikha nai pua, tu’nung inle zia gual hi um kit diak ta pua’n a.

PAWTDAWNA THU 10:6

Amau chun lal Inte leh la miliante In leh Aiguptate In zosia chu lua dim intin uh; zia gual chu la pu la pateu khan lei chung a um lim ah kipat tu’ni tiang ah a la mu khâk nai lo uh ahi,” a tia. Chuleh, ama chu a kihei ah, Pharaoh kiang ah kipat in a pawtdok tai.

PAWTDAWNA THU 20:21

Ziaphatchun, mipite chu gamla deu tak in a ding ua, Mosi chun Pathian umna tâng thim sâ tak umna lam chu a nai a.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 13:6

Ni tamkhop zaw phatin Lalpa‘n ka kiang in, “Tu’hin Euphrates luipi lam ah chia inla, zia tak ah dialchen sêl in ka ti kha vala kit in,” ei hun ti’n.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

EZEKIEL 32:7

Nang ka hun gawtmang phat leh, vante khû ing ka tin, aksitele thimsak ing ka; nisa chu sûmpi liasak ing ka tin, thapi le thim ta’n a.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

EZEKIEL 38:9

Malam zuan in thigawpi gual in hung inla; nang, la sepai zosia leh la pawl ah mite zosia, gam leh lei sûmpi’n a chup gual in hung kuan ding la hiu.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

JOEL 1:6

Ka gam chu nam hat tak, simsên lo in a hun sim ta’ngal un; a hateu chu sakeibaknei ha gual ahi’n, sakeibakneipi uiha gual a nei ui.

JOEL 2:25

La lak ua ka sepai tam tak ka hun sawl tâk, khaubepi hon, khauphak hon leh, thing leh gua nesia khauphâkte leh, thing nêk hât chi khauphâk chite’n a nêksiat uh kumte chu hun din kit ta’ng ka.

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

JOEL 2:5

Kido’na kângtalai gual ah tai in, hampa kâng ah mei a kua’n puat puat gual leh, kido’na pang ding ah kisa galdo mihat tak gual in, mualvûm in a chawm kâi ui.

JOEL 3:4

Aw Tura leh Sidon, Philistia gamkai zosiate haw, kei â ding in bang la hiu em? Lei dit kit him him awm? Ei dit kit hi leu chin kin tak in la luchung ngei un hun thuk kit pai ziang ding hiveng.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

ZEPHANIAH 1:7

Lalpa Pathian âng ah thipbek in um tau in! Lalpa ni la a nai ta’ngal a; Lalpa‘n la kithoina bawl zo in, a mi chialte a suthiangtho zo ta’ngal a.

ZEKARIAH 14:6

Zia ni chu a hung tun phat leh, votna ahiloleh vûk ah khalna him him um ta pua’n a.

MATTHAI 24:21

Buaina nasa tak hung tung ding ahi ziakin, zia gual him him chu lei chung siam lim ah kipat tu’tiang ah hin a um kha naipua’n, um le um kit diak talo ding ahi.

MARKA 13:19

Zia hun tung ding ah gentheina chu, zia gual ah huaisia him him chu Pathian thilsiam tîl ah kipat tu’hun tiang ah le um kha nai lo a hi’n, a nung inle um kit ta ngai lo ding ahi.

DAN LEKHABU 32:7

Malai nite kha hezing unla, kum tam tak liamtate kha gêl un; la pa dong lechin, hun hil thei intin; la upate le dong lechin, hun hil in au.

HEBRAITE 12:18

Nangmau vang, tâng sukkhak thei ah meikuang, thimna, liapna leh thigawpi,

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

THUPUAN 9:2

ama chun, leikawkhuk tawp neilo chu a hon leh, a khûk hawm ah kipat chun meikhu, haltuina mei nasa tak khû gual in a khudok luai luai a; meikhu ziak ah chun van leh nisa chu a hung thim tai.