JOEL 2:19 - PATHIAN LEKHABU THIANGTHO (BSI)

¹⁹ Lalpa‘n a mite kiang in: nang uh â dingin bu, uain leh sathaute hun pia’ng ka tin; ziate ah chun kihi’ tai ta’n lau; namdangte nuizatbûk in, hun umsak ta pua’ng ka.

JOEL 2:19 ပူးပေါင်းရင်းမြစ်များ

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

EZEKIEL 34:29

Nêk leh châk kiningting tak in pia’ng ka tin, a gam uh kialna’n subuai ta pua’n tin, nam dangte musit in um kit ta pua’n au.

EZEKIEL 36:15

chuleh, nam dangte hosiatna git leh mite musit ah hun umsak kit talo ding ka hi; chuleh, la mipite kipal pâisak kit talo ding la hi, Lalpa Pathian in a tii.

EZEKIEL 36:29

La buaknau zosia kipat hun hukdok ing ka tin, bu leh bâlte thu pia’ng ka tin, hung pung intiu in, kial thuak ta pua’n lau.

EZEKIEL 36:30

Namdang zosia lak ah kialna ziak ah musit la hi tâklona ding un, thingga punsak ing ka tin, lou ah thâi piangte le punsak ing ka.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

HOSEA 2:15

Zia kipat chun a grep huante chu ama pia’ng ka tin, Akor phâile kinepna kotkhak in siam ing ka. Zia tak ah chun a khangdawn lai nite leh, Aigupta gam ah a hung pawt daw lai gual khan, La’n hun dawng ta’n a.

HOSEA 2:21

Zia ni chun hun dawnhu ta’ng ka, Lalpa‘n a ti’n; vante dawnhu ing ka tin, amau in ei dawnhu ta’n au;

HOSEA 2:22

lei in bu te, uain te leh sathau te hun dawnhu intin; amau in Jezreel hun dawnhu ta’n au;

JOEL 1:10

Loute chu suksiat gam a hita’n, gam chu lei in a sûn hi; bu chu suksiat ahi zo ta’n, uain a kang in, sathau chu a bei zo tai.

JOEL 2:24

Bu phualte chu bu’n hung dim intin, grep sûkna khûkte chule, uain leh sathau luanglet ta’n a.

THIAMPUTE LEKHABU 26:5

La buvok hun uh grep law hun in lap intin; la grep law nau in a chi the’ kit hun tiang hun lap kit in ah; la vaithum uh vâ tak in ne’n la tin uh, la gam sung ua bit tak in chêng in lau.

ZEKARIAH 8:12

Chamna thâichi chu tu’ hi’n tin; grep gui in ga sua ta’n tin, lei inle ga hun sua ta’n ah, van dâichîm inle hun chap no kit ta’n tin; tichun, a um nalai sunte chun zia zosia chu lua ta’n au.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

DAN LEKHABU 11:14

La buteu, la uainteu leh la Oliv thauteu chu pha tak ah la lak khawm theina ding un, la gam un a hun takin gawtui masa leh a nunung chu hun pia ding ahi;

RUTH 1:6

Moab gam ah a um sung un, Lalpa‘n a mite nêk ding pia’n, a ve thâk dan a het ziakin, Moab gam ah kipat in a mo te ni chu tawh kile’kit dingin a hung kipan tau a.