JOEL 2:17 - PATHIAN LEKHABU THIANGTHO (BSI)

¹⁷ Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

JOEL 2:17 ပူးပေါင်းရင်းမြစ်များ

1 LENGTE 6:3

In mai ah hulliap chu a dunglam tong sawmni ahi’n; a In vailam cheng a huap ah, In ah kipat a mai lam tong sawm tiang huap ahi.

1 LENGTE 9:7

zia tak chuleh, amau â ding ah ka piakna gam, Israelte lâkpiak ing ka tin; chuleh, ka min ding ah ka sukthian In chu ka mit mu ah kipat koimang ing ka tin; Israelte chu midangte zosia lak ah paukikna leh nuizatbûk hung hita’n au.

2 KHANGTHU 7:20

ka gam hun piakna kipat hin hun botdok ing ka tin, ka min dingah ka sukthiantho zawsa zia In hi ka muphâk lo ah chawn mang ing ka tin, nam tinte lak ah thuching leh pauchângthiatna hung hita’n a.

2 KHANGTHU 8:12

Ziaphatchun, Solomon in hulliap mai lam ah Lalpa mâichâm a siam ah chun Mosi thupiak dungzui in,

NEHEMIAH 9:36

Zia tak ah hin, tu’ni tiang hin, ka pu leh pateu in a gate leh la thilpiak pha tincheng a nopchên ding ua la piakna gam sung ah hin, mi suak leh sal ah um ka hi nâk lai uh tawh.

SAM 115:2

Bang ding ah nam tin in, “A Pathian uh khoi ah um a hem,” ti sek a hiu em?

SAM 42:10

Ka taksa chung ah thi’na ding khop beliam um gual in, ei do-te chun ei hakva khum zing un: “La Pathian khoi ah um a hem?” ei tiu a.

SAM 42:11

Aw ka hinna, bang ding ah lungkia, ka sung ah hi bî theilo la hem? Pathian ah kinem ta’n la: ama ei panpipa leh ka Pathian chu, pakcha kit ding ka hi.

SAM 42:3

Ka mitthi hi a sûn a jan ah ka an ahi’n, “La Pathian khoi ah um a hem?” ei ti, ei tiu a.

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

SAM 74:10

Aw Pathian, mêlmate chun, bang chan a hem ei nuisan ding uh? Mêlma chun kumkhua’n la min, hun samsia ding a hiu em?

SAM 79:10

Bang ding ah namtin in, “A Pathian uh khoi ah um a tam?” a tiu maw? La suakte thisan sua’na phuba lâkna chu, ka mitmuu in namtin lak ah hin het zing hita hen.

SAM 79:4

I hianghei mite gensiat in I um tau ah, I kiang nai tuam mite musit leh nuisan in I um tau hi.

SAM 89:41

A haw kha taphot in a van uh chu a kilâk sek un; a kîmvêl ua mite nuisan in a um tau hi.

SAM 89:51

aw Lalpa, nangma do-te gensiatna, la sathaunu’ kengnungte a gensiatnau chu ahi.

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 37:20

Tu’hin chu, Aw Lalpa, ka Pathian uh, lei chung lenggam zosia hin nangma bep hi Lalpa la hi ti a hettheina ding un, ama khut ah kipat hin ei hukdok in,” ti’n a pauchap a.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

EZEKIEL 8:16

Chun, Lalpa In huang sungnung ah ei pui lût a; zia tak ah Lalpa tempul lûtna, hulliap tawh mâichâm kikâl ah pawsal sawmni leh nga ding vêl, Lalpa tempul nungngat ah, sualam nga, sualam ah nisa ho ah khiangkhote chu a la um un.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:9

Lalpa In ah thâiga thillat ding leh, dawnchi thillat dingte a tasam tai. Lalpa nasêmte chu thiampute’n a sûn tau hi.

AMOS 7:2

Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.

AMOS 7:5

Ziaphatchun keima’n: “Aw Lalpa Pathian, hâi ta’n, ti’n ka don a! Jakob bangti’n pang zo ding a hem? Ama a neu ngal a,” ka ti’n.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

MALAKI 1:9

Tu’hin, Pathian doisakna chu I chan ua, a ja’ngaina I don theina ding un don hitiu. A bawlkhial chu nanghaw thiampute ngei hi la hi ngal un. Nanghaw lak ah kua la hiu em a doisakna chang ding chu, sepai honte Lalpa chun a ti ahi.

KISIMNA LEKHABU 25:6

Ziaphatchun, Israelte lak ah mi pakhat in, kikhopna biakbûk kotbul ah a la kâ veng vung lai tak un, Mosi leh mipite mit mu in Midiante numei khat a Inkuan lak un a hun pui lût a.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

MATTHAI 27:43

ama chun Pathian a ging ah, Pathian Chapa ka hile a tingal ah; a nop ahi chun tu’hin hun hukdok leh hiding a pom,” a tiu a.

DAN LEKHABU 28:37

Tichun, Lalpa‘n a hun puimangna ding nam tin lak ah chun, mite’n a sia lam genna ding ah tizat um leh pauchangthiatna’n hun mang ta’n au.

DAN LEKHABU 32:27

himaleh, a mêlmateu in simmaw ah, a nuaisia bêk ding ziak un: ‘I gual zo tau hi; zia gual ah thilbawl hi Lalpa ahi puai,’ a ti khâk ding uh ka lau ngâl a.

JOSHUA 7:9

Kanaan mite leh zia gam ah um zosia’n hun hia’n tiu in, ei hun ûm in, lei chung ah kipat ka min uh hi’mangthai zo ding a hitau hi. Zia phat chuleh, la min thupi tak chu bang la law ta diam?” a ti tai.