JOEL 2:16 - PATHIAN LEKHABU THIANGTHO (BSI)

¹⁶ mipi ko khawm un, kikhawppina chu suthiangtho unla; pitingte ko khawm unla, chapangte leh nawichep lai nausente natiang ko khawm un. Mopa’n a pindan nusia hen la; monu’nle a chutna nusia hen.

JOEL 2:16 ပူးပေါင်းရင်းမြစ်များ

2 KHANGTHU 20:13

Zia hun sung ah chun Judai gam ah mipi zosia chu a chateu, a jiteu leh a tuteu tawh Lalpa ma ah chun a ding chil chel ziang tau a.

2 KHANGTHU 29:5

a kiang un zia gual hin a gen a: “Levi mite haw, ka thugen hi ngai un! Kisuthiangtho unla, la pu leh pateu Pathian, Lalpa In hi suthiangtho unla, mun thiangtho ah kipat buaksia zosia hi chomdok un.

2 KHANGTHU 30:17

A hung kikhawmte lak ah mi tam takte chu sukthian lo a hiziak un, a thianglote sukthianna dingin Levi chite chun Chiakân Kût belam chu mi tin â dingin a that tau hi.

2 KHANGTHU 30:19

“Kuale a lungthim gil tak ah, a pu leh pateu Pathian, Lalpa hawl tapo chu, mun thiangtho dan dungzui ah kisuthiang nai lo himaleule Lalpa pha tak chun a ngaidam tai,” ti’n a gen a.

2 KHANGTHU 35:6

Chiakân Kût matna ding belam chu that un la, nangmau chule kisuthiangtho unla, la Inkuanpiteu thasâng in bangkim chu siam tuak un, Mosi kiang ah Lalpa‘n a hil dungzui ah khan la bawl diu ahi,” a tia.

JOB LEKHABU 1:5

Zia gual ah luaithe’na a nei zaw jing si’n ua leh, Job chu jingkal ma tak ah tho in, amau chu ko in, a mimal tin uh sukthianna ding in kithoina a changkim un a bawl piak sek ah; Job chun, “Ka chate hin thil phalo a la bawl kha pal in, a lungthim un Pathian a la samsia kha tawl in au,” a ti ziak ahi. Zia thil ziak tak ah chun Job in zia gual chun a bawl sek ahi.

SAM 19:5

zia kipat chun moneipa, a pindan ah kipat hung pawtdok gual leh, mi tai hât kipak tak ah tai gual in a hung pawtdok hi.

PAWTDAWNA THU 19:10

Lalpa chun Mosi kiang in, “Mipite kiang lam in chia inla, amau chu tu’ni tawh jing ah hin hithiangtho in. A puan uh sawp thiang chiat uh hen la;

PAWTDAWNA THU 19:15

Mipite kiang ah chun, “A nithum ni â dingin kiging zing unla; numei le sukha kiu in,” a tia.

PAWTDAWNA THU 19:22

Lalpa kiang nai ah hung thiamputele kisuthiangtho uh hen; achutiloleh, a chung un Lalpa lungnatna kuangjak mai ding ahi,” a tia.

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

MATTHAI 21:16

a kiang in, ziate thugen hi la he em? a hung tiu a. Jesu’n a kiang un, I, ka hia’i, Naupangte leh nausen nawi chep nalaite kam ah pawt chun, pâkna a bukimsak hi, ti ah kizik kha la sim kha puau ah a hem? a tia.

MATTHAI 9:15

Jesu chun, “Moneipa chu a lak ua a um sungsia chu, a gualte’n a sûn ngai sek ua a hem? Himaleh, a pawsal amau ah kipat puimang ni a hung tun tak leh vang, zia tak chuleh anngawl in au.

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

JOSHUA 7:13

Mipite hi hi’thiangtho phot mai in, a kiang un, ‘Jing â ding in kisuthiangtho un; Lalpa, Israelte Pathian in zia gual hin a gen ngâl ah: Aw Israel, la lak un thil thianglo a um hi; la lak ua kipat thil thianglo chu la lâk mang masang siau, la mêlmateu zo thei ta pua’n lau.

JOSHUA 8:35

Mosi thupiak zosia chu Israel pungkhawm zosiate leh numei leh chapang neucha chate leh, gam dang mi a lak ua chêngdente ma-âng ah chun Joshua’n simdok lo him him a nei puai.

1 SAMUEL 16:5

Ama chun, “Thamuanna thu hi e; Lalpa kiang ah kithoina lân ding ah hung ka hi; kisuthiangtho unla, kithoina mun lam ah chia in kiton hitiu,” a tia. Tichun Jesse leh a chapa chu kisuthiangtho dingin a chial tai.