JOEL 2:14 - PATHIAN LEKHABU THIANGTHO (BSI)

¹⁴ Lalpa la Pathian un maljawlnate ei pia’n, thâi thillat leh, dawn ding thillatte ei pia’n, a lungnatna juk kit ah, kihei kit lo mawng mawng ding ahi, ti kua a hem he thei?

JOEL 2:14 ပူးပေါင်းရင်းမြစ်များ

2 SAMUEL 12:22

Ama chun, “Nausen kha a dam lai in anngawl ah pauchap him ka hi; Lalpa‘n ei hepi ah, nausen hi a hun damsak kit ziang thei khâk leh ka ti ahi.

2 SAMUEL 16:12

Ka lungkhamna hi Lalpa‘n ei mu piak ahi chun, tu’ni zia gual ah hânkhum ah ka umna hile Lalpa‘n a pha lam ah ei hei piak zaw mai thei tho ahi,” a tia.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

PAWTDAWNA THU 32:30

A jing phat ah chun, Mosi’n mipite kiang ah chun, “Thil phalo huaisia tak la la bawl kha tau hi. Himaleh, tu’hin Lalpa kiang ah va chia to ing ka tin; la thilbawl khialnau thoidamna ding ka hun bawlthei khâk leh,” a tia.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 26:3

A leng ua ka thu chu a ngai ua, a thil bawlkhial ziak ua, a chung ua thil phalo ka bawl guatna ziak ah, a nunchan phaloteu chu a haisan thei khâk uh leh.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:16

I mit muu in I anteu chu, hi’mangthai ah um in, I Pathian In ua kipat in, kipakna leh limna sukbei hi talo a hem?

JOEL 1:9

Lalpa In ah thâiga thillat ding leh, dawnchi thillat dingte a tasam tai. Lalpa nasêmte chu thiampute’n a sûn tau hi.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

JONAH 1:6

Longpu lian pen a hung ah, “Aw nang i-mut thûtpa, bang bawl la hem? Tho inla, la pathian ko in! I manthailo’na ding un pathian in ei ngaitua piak thei khâk leh,” a hung tia.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

HAGGAI 2:19

Bubûk ah buchi ding ah nutsia a um nalai em? Grepte, theichang kung, theibufai leh Oliv kungte chun ga sua nai lo a hiu em? Tu’ni kipat hin hun maljawl ding ka hi.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

JOSHUA 14:12

Chutichun, Lalpa‘n zia ni a la gensa, zia tak tâng gam ngei hi ei pia ta’n; zia ni khan Anakimte leh a khawpiu, kulpi detdo tak tak neite chênna gam ahi ti zia ni khan la he ta’ngâl ah; Lalpa‘n ei umpi intin, amau chu deldok mai ding ka hi, Lalpa‘n ei la gen piaksa ahi gual in,” ti’n a gen ta’n.

1 SAMUEL 6:5

Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.