JOEL 2:11 - PATHIAN LEKHABU THIANGTHO (BSI)

¹¹ Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

JOEL 2:11 ပူးပေါင်းရင်းမြစ်များ

SAM 18:14

A thalchangte a kâpdok ah, a mêlmate chu a thejak tai; kawlte a phêtsak zawl zawl ah, amau chu a subuai veng vung tai.

SAM 46:6

Namtin a lungnau ah, lenggamte le a kilîng ah; a aw a sua leh leilung a tuitha zo tai.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

ISAI 13:4

Ngai un, mipi tam tak husa gual in tâng lam ah husa! Ngai un, lenggamte leh namtinte kipun khawmna husa chu! Sepai honte Lalpa‘n kido’na dingin sepai hon a pui khawm hi!

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 7:18

Zia ni chuleh, Lalpa‘n Aigupta gam ah luinâkte ah thosi um zosia tawh, Aigupta gam ah khuai um zosia chu saisilît in hun ko khawm in a.

JEREMIAH 25:30

Ziaziakchun, nang Jeremiah in amau dodâlna thu zia zosia hi a kiang un, zia gual hin la vagen ding ahi: Lalpa chu chung lam ah kipat in a hung kiko in, a umna thiangtho ah kipat in a aw a hun sua hi; lei chung ah chêngte zosia do dingin, kul sung ah mite do in ngai tak in hung kiko intin, grep sûk ah kikote gual in kiko in a.

JEREMIAH 30:7

Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

EZEKIEL 22:14

Nangma ka hun gawt phat leh la sekdona a pang zo in, la khut chu a pang zo na diam? Keima Lalpa hin ka gen ta’n, bawl ngal ding ka hi.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 1:6

Ka gam chu nam hat tak, simsên lo in a hun sim ta’ngal un; a hateu chu sakeibaknei ha gual ahi’n, sakeibakneipi uiha gual a nei ui.

JOEL 2:1

Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:2

thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

JOEL 2:25

La lak ua ka sepai tam tak ka hun sawl tâk, khaubepi hon, khauphak hon leh, thing leh gua nesia khauphâkte leh, thing nêk hât chi khauphâk chite’n a nêksiat uh kumte chu hun din kit ta’ng ka.

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

JOEL 3:14

Thutanna phâijawl chu mipi’n a dim hi! Thutanna phâijawl ah chun, Lalpa ni chu a nai ta’ngal a.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

AMOS 5:18

Lalpa ni ngainate haw, la chung uh a gik na e! Bang ding ah Lalpa ni ngaina la hiu em? Zia ni chu vâk hilo in, thim ahi.

AMOS 5:20

Lalpa ni chu vâk hilo in, vâkna him him nei lo thimna hilo a hem?

OBADIAH 1:15

Nam zosia chung ah Lalpa ni ding chu, a nai ta’ngal a. La bawldan tawh kigûn tak in, la chung ah bawl hi’n a; la thilbawlte chu la luchung ah, hung chu kît ding ahi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

KISIMNA LEKHABU 24:23

Chuleh, a thu mu zia gual hin a hun gen nalai a: “Tamaijen, Pathian in zia gual ah thil a hun bawl phat chuleh, kua a hem hing nalai ding?

1 THESSALONITE 4:16

Lalpa ngei chu thupiak kiko thawm tawh, vansawlchâk chungnungpen kona tawh, Pathian pengkul gi tawh, van ah kipat hung ding ahi ngal a: Chuleh, Khrista ging ah thi tate kha tho masa’n tiu in;

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.