JOEL 2:1 - PATHIAN LEKHABU THIANGTHO (BSI)

¹ Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:1 ပူးပေါင်းရင်းမြစ်များ

1 KHANGTHU 15:28

Tichun, Israelte zosia chun, belam kîte, pengkulte, dakkhutbette, theile leh thilgithei gui neite tumgi kawm ah ngai tak ah kiko in, Lalpa Thuthung thingkuang chu a hun paw to tau ahi.

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 87:1

Tâng thiangtho ah chun, a khawpi suangphûm chu a um in;

PAWTDAWNA THU 10:14

Khaubepite chu Aigupta gam pumpi chun a vak jak tau ah, Aigupta gam pumpi chu a dapsuak ziang tau hi; zia gual ah khaubepi tam hi tu’ma khan hetkhâk a la hikha nai pua, tu’nung inle zia gual hi um kit diak ta pua’n a.

ISAI 13:6

Patau un, Lalpa Ni chu a nai ta’ngal a; Hat Chungnung ah kipat siatna, hung tung gual chu ahi.

ISAI 13:9

En in, Lalpa‘n a lungnatna huaisia tak leh, a thangtawm hiamngamna a suklatna ding ni chu, hung tung ding ahi tai. Zia ni chun ama’n lei chung ah mihingte hi hi’mangthai in, lei chu a hawm ah nutsia in hun umsak in a.

ISAI 2:12

Sepai honte Lalpa chun mi chapote, kingaisângte leh mite chung ah, kichawisâng zosia chung ah, vaihawmna ding ni a tiam ta’ngâl a;

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

JEREMIAH 16:10

Chun, zia thute hi mipite kiang ah la gen phat leh, amau in, “Bang ding ah Lalpa‘n ka chung ua siatna zia gual tuk ah huaisia hung tung ding chu a gen ah a hem? Bang a hem ka khawlonau? Lalpa ka Pathian chung ua ka bawl khial uh bang a hem?” ti ah a hun gen phat ua leh,

JEREMIAH 16:7

Kuama thisûnte thamuanna ding ah vaithum lui piak um pua’n a; chuleh, a nu a hem, a pa a hem sûnte thamuanna dinginle thingpi no khat ziang le kuama’n dawnsak pua’nau.

JEREMIAH 4:5

Judai gam ah genjak unla, Jerusalem ah chun zia gual hin tângsam un: A gam pumpi’n pengkul mût unla, ngai tak ah kiko in zia gual hin gen un: “Hung khawm unla, khawpi kuldet neite ah chun lut hitiu!”

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

EZEKIEL 12:23

Zia gual hin hil in: “Lalpa Pathian in zia gual hin a gen hi: Zia thuching chu Israelte lak ah a mat kît tâklona ding un, hi’tawp ding ka hi tai,” a tii ti’n gen in. Himaleh, a kiang un, Thil kimu lawk zosia bukimna ding chu a nai tai.

EZEKIEL 21:12

Aw mihing, kap inla, pengjak ta’n, ka mipite do’na ahi ngal a; Israel lal chate zosia do’na ahi, ka mipite tawh a leng un chemjam se’na’n a kinei ui. Katei! A malpiu sât un!

EZEKIEL 30:3

Zia ni chu a nai ta’n, Lalpa ni ngei chu a nai ta’ngal a; sûmpi ji’n ni leh nam tinte vangsiat ni ding chu ahi.

EZEKIEL 33:3

gâlvêngpa chun gâlte hung chu mu’n, mipite hillawkna pengkul chu mût hen la;

EZEKIEL 33:6

Himaleh, gâlvêngpa’n gâlte hung a la mu ngâl in, kiginlawkna ding pengkul chu a la mût lo hileh vang, mipite chu hillawk a hilo ziak un, gâlte hung in hung suam gam taleu vang, a thisan phubau chu gâlvêngpa luchung ah chu ding ahi.

EZEKIEL 7:10

Ngai in, a ni chu! En in a hung tung hi! La siatna ding a hung kuangdok tai. Mol chu a seldok ta’n, kisaktheina chule a mûmdok tai.

EZEKIEL 7:12

Hun chu a hung tung ta’n, a ni chu a nai tul tul tai; a chawte chu kipak kiu hen la, a zuakte chule lungngai diak kiu hen; lungnatna chu a mipite chung ah chu ding ahi ngal a.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

DANIAL 9:20

Pauchap ah, ka gitlo’na leh ka mipi Israelte gitlona thupha chawi ah, Lalpa ka Pathian âng ah, ka Pathian tâng thiangtho ah ding ah dotpiakna bawl a,

HOSEA 5:8

Gibeah ah belam kî mût unla, Ramah ah pengkul mût un. Beth-aven ah kigalginna mût unla; Benjamin, la nung lam en in!

HOSEA 8:1

Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

JOEL 2:15

Zion ah pengkul mût un; anngawl hun chang thiangtho un; kikhawpna gun tak khat bawl unla;

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

JOEL 3:14

Thutanna phâijawl chu mipi’n a dim hi! Thutanna phâijawl ah chun, Lalpa ni chu a nai ta’ngal a.

JOEL 3:17

Chutichun, kei Lalpa la Pathian uh, ka tâng thiangtho, Zion ah ka chêng hi ti hun he ta’n lau. Jerusalem chu thiangtho intin, mikhualte’nle haw malam kit ta pua’n au.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

AMOS 5:18

Lalpa ni ngainate haw, la chung uh a gik na e! Bang ding ah Lalpa ni ngaina la hiu em? Zia ni chu vâk hilo in, thim ahi.

AMOS 8:2

Ama’n, ka kiang in, “Amos, bang la mu em?” ei ti’n. Keima’n, “Nipi theiga bawm khat ka mui,” ka ti’n. Ziaphatchun, Lalpa‘n ka kiang in: Ka mipi Israelte chung in tawpna chu a tung tai; a chung ua gawtna tung ding chu, thul him him ta pua’ng ka.

OBADIAH 1:15

Nam zosia chung ah Lalpa ni ding chu, a nai ta’ngal a. La bawldan tawh kigûn tak in, la chung ah bawl hi’n a; la thilbawlte chu la luchung ah, hung chu kît ding ahi.

ZEPHANIAH 1:14

Lalpa ni lopi tak chu a nai tai, a nai in, a hung tung ziang dingin a kin hi; Lalpa ni husa chu a tizat um in, gâlhatte le beidong in kap jak ta’n au.

ZEPHANIAH 1:16

gâlvênbûk sâng leh khawpi detdote do ding ah, pengkul mût ni leh gâldo thawmgit ni chu hi’n a.

ZEPHANIAH 1:7

Lalpa Pathian âng ah thipbek in um tau in! Lalpa ni la a nai ta’ngal a; Lalpa‘n la kithoina bawl zo in, a mi chialte a suthiangtho zo ta’ngal a.

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

ZEKARIAH 14:1

Ngai un, Lalpa vaihawmna ni hung tung ding ahi tai; zia phat chuleh, la van uh a hun lâkpiakteu chu la mit mu ngei un kihawm ta’n au.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

KISIMNA LEKHABU 10:2

Dangka thîk in pengkul pani sek inla; ziate chu mipi kokhawmna ding leh giamun kichawnna ding ah la mût sek ding uh ahi.

KISIMNA LEKHABU 10:3

Pengkul pani chu a kimût phat leh, mipi zosia chu kikhopna biakbûk In mai tual ah la kiang ah a hung khawm ding uh ahi.

1 KORINTH 14:8

Pengkul chu mumal bei ah a git chun kua gâl kuan ding ah kisiam thei ding a hem?

PHILIPPI 2:12

Ziaziakchun, ka doitakte haw, thu la zop sek gual uh khan, tu’hin le, keima ka um bep hilo in, ka umlo sung ah hin sêm nasa zaw diak in, lau leh kithing pum in hukdam la hi’nau chu sêm bukim tau in.

1 THESSALONITE 5:2

Lalpa ni chu jan ah gucha gual in hung tung ding ahi ti, chian tak in la he ngal ua.

JAKOB 5:8

Nang uh le thuak-hat tak in um un. La lung uh hi’det un, Lalpa hungna ding a nai tangal a.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.