JOEL 1:7 - PATHIAN LEKHABU THIANGTHO (BSI)

⁷ Ka grep guite a susia’n, ka theipi kungte a eknêl in, a hawng a khe’dok hi; chuleh a bâkte heutha’n a paimang tau hi a bâkte a keugawp zo tai.

JOEL 1:7 ပူးပေါင်းရင်းမြစ်များ

SAM 105:33

A grep guiteu leh a theichang kungteu chu, a gawtlum in, a gam ua thingte le a khenbong sik sek tai.

PAWTDAWNA THU 10:14

Khaubepite chu Aigupta gam pumpi chun a vak jak tau ah, Aigupta gam pumpi chu a dapsuak ziang tau hi; zia gual ah khaubepi tam hi tu’ma khan hetkhâk a la hikha nai pua, tu’nung inle zia gual hi um kit diak ta pua’n a.

PAWTDAWNA THU 10:15

A gam lei chung pumpi a dâpsuak ziak ua chun, a gam pumpi chu a a vom hial ta’n; chutichun, gial in a suksiat bang anche lohing leh thingga chi zosia chu a ne zo ziang tau a; tichun, Aigupta gam sung pumpi ah chun thinghing, loupa hing leh lou ah anche lohing a um ta puai.

ISAI 24:7

Grep tui a kang ta’n, grep gui a vuai ta’n, lungthim kipakna zosia thûmna a chang zo tai.

ISAI 32:12

La lou mun phateu leh grep huante a siat gam tâk ziakin, la awm uh chûm tau in;

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

JEREMIAH 8:13

Amau ka lak khawm guat phatin, grep gui ah a ga a la um ta pua’n, theichang kung inle a ga a la um ta puai; Lalpa‘n a tii; a duate nasan a vuaitha zo ta’n, amau ka piakte natiangle a la um ta puai.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

JOEL 1:12

Grep gui a vuaitha ta’n, theipi kung a keugawp zo tai. Lou ah thâichi kung tin: theipi, theibufai, zubi leh epulte a keugawp zo tai; mipite kipakna zosia a chuai tai.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

HABAKKUK 3:17

Theichang kung selthak lo in, Oliv thingte’n ga sua lo in, loulai ah bu piang lo in, gan-gualte chule a huang ah um talo in, gan kul ah chun bawng hon pakhat chale, um talo ziang maleh

MALAKI 3:11

Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.