JOEL 1:2 - PATHIAN LEKHABU THIANGTHO (BSI)

² Putêkte haw, zia hi hiau in, zia gam ah chêng zosiate haw, la bil uh dawu in! Zia gual thil hi nangmau khang leh, la pu la pateu khang inle a tung kha ngai em?

JOEL 1:2 ပူးပေါင်းရင်းမြစ်များ

JOB LEKHABU 12:12

Têksete kiang ah pilna, damsawtte kiang ah hetthiamna a um hilo a hem?

JOB LEKHABU 15:10

La pa sâng ah upa zaw têksia leh, samkângte ah kipat pilna chu ka zil uh ei vei.

JOB LEKHABU 21:7

Bang ding ah mi nunsiate chu hing ah, a têk hun tiang uh dam ah, a thil hitheinau khang tul tul nalai sek a hem?

JOB LEKHABU 8:8

Malai mite kha vak ngaitua inla, a pu leh pateu in a la suidok teu kha, vak ngaitua veng veng tiam in;

SAM 49:1

Mi zosiate haw, zia hi hiau in! Khawvel ah um zosia,

ISAI 34:1

Nanghaw, namtinte leh mipite haw, ei hun nai unla, ngai un! Lei leh a sung lua dim zosia’n ngai uh hen la, khawvel leh ama ah piang zosia’n le ngaitha tau hen.

ISAI 7:17

Assuria lal ma ma, Judah ah kipat Ephraim a hung pawt daw ni ah kipat chun, Lalpa chun nangma leh la mipite leh la pa Inkuan ah mite chung ah chun, zia gual hun tung kha nai lo gual chu hun tunsak ding ahi, a tii.

JEREMIAH 30:7

Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

JOEL 2:2

thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

AMOS 3:1

Aw Israel mipite, Aigupta gam ah kipat ka puidaw Inkuan zosiate haw, nang uh demna thu Lalpa‘n a gen hi ngaitha tau in:

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 5:1

Aw Israel Inkuan ah mite haw, nang uh chung ah sûnna thu kâ La hi ngai tiam un:

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

MIKAH 3:1

Nanghaw Jakob Inkuan hotute leh, Israel Inkuan ah vaihawm zosiate haw ngai un! Vaihawmna dik chu he lo la hiu em? ka ti’n.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

MATTHAI 13:9

Kuale hetna ding ah nakhang nei chun he tau hen,” a tia.

MATTHAI 24:21

Buaina nasa tak hung tung ding ahi ziakin, zia gual him him chu lei chung siam lim ah kipat tu’tiang ah hin a um kha naipua’n, um le um kit diak talo ding ahi.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.