JOEL 1:14 - PATHIAN LEKHABU THIANGTHO (BSI)

¹⁴ Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

JOEL 1:14 ပူးပေါင်းရင်းမြစ်များ

2 LENGTE 10:20

Jehu chun, “Baal â ding ah kikhopna poimaw tak hi hun suthiangtho tau in,” ti’n thu a pia, zia thu chu a puangjak tau a.

2 KHANGTHU 20:13

Zia hun sung ah chun Judai gam ah mipi zosia chu a chateu, a jiteu leh a tuteu tawh Lalpa ma ah chun a ding chil chel ziang tau a.

NEHEMIAH 8:18

A ni masa pen ah kipat a tawp tiang ah, nisi’n in Pathian Dan Lekhabu chu a sim tau a. Kût chu ni sagi sung a bawl un; a ni giat tin ni chun dan dungzui in kikhopna thiangtho a bawl tau hi.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

JEREMIAH 36:9

Judai gam ah Lengpa, Josiah chapa Leng Jehoiakim lal kum ngana, tha kua a ti’n ni chun, Jerusalem ah mi zosia tawh, Judai gam khawpi kipat Jerusalem ah hung khawm zosia chun Lalpa âng ah anngawl ding thu a puang tau a.

JOEL 1:2

Putêkte haw, zia hi hiau in, zia gam ah chêng zosiate haw, la bil uh dawu in! Zia gual thil hi nangmau khang leh, la pu la pateu khang inle a tung kha ngai em?

THIAMPUTE LEKHABU 23:36

Ni sagi sung Lalpa â dingin mei ah thillat thiangtho lân in la tin uh, a ni giat ni chu nang uh â dingin ni thiangtho hiding ahi: khawmpi thiangtho hi’n ah; zia sung ah chun na la sep lo ding uh ahi,” a tia.

JONAH 3:5

Nineveh khua mipite chun Pathian a taksang tau a; anngawl ding thu a puang ua; mitin, a lian a neu in saidip puan a sil tau a.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.

ZEPHANIAH 2:1

Hung khawm unla, hung kikaikhawm tau in, nanghaw jachâkna châng helo nam tinte haw,