JOEL 1:12 - PATHIAN LEKHABU THIANGTHO (BSI)

¹² Grep gui a vuaitha ta’n, theipi kung a keugawp zo tai. Lou ah thâichi kung tin: theipi, theibufai, zubi leh epulte a keugawp zo tai; mipite kipakna zosia a chuai tai.

JOEL 1:12 ပူးပေါင်းရင်းမြစ်များ

SAM 4:7

A buu leh a uain uh a pun phât leh, a kipaknau sâng ah kipakna nasa zaw, ka thinlung hin la koi hi.

SAM 92:12

Midikte chu tûm thing gual in, no let lut intiu in, Lebanon tâng ah sidar thing gual in, khang tul tul in au.

SOLOMON LÂ 2:3

Gammâng thing lak ah epul thing gual in, ka hepi chule tangvalte lak in a um hi. Kipak ma ma in a lîm nuai ah chun ka chu ta’n; a ga chu ka du lam tak ahi.

SOLOMON LÂ 4:13

La sung ah lohingte chu, theibufai pâk hingte chu ahi’n; theiga tui pente chu ahi’n, henna pakcha leh nard gimtuite ngei chu ahi’n;

ISAI 16:10

Lou mun thâichi phatna munte ah, kipakna leh limna lâkmang a hita’n; grep huante ah le La sakna a um ta pua’n, kuama a kiko ta puau hi; uain sûkna khûk ah kuama’n, uain a sûkdok ta puau hi; grep lâk hun ah kiko thawm a thip tai.

ISAI 24:11

Uain tâksap ziakin khawlai ah chun, mite a kiko veng vung ui; kipakna zosia’n mual a khum tai; lei ah kipakna zosia’n mual a khum tai.

ISAI 24:7

Grep tui a kang ta’n, grep gui a vuai ta’n, lungthim kipakna zosia thûmna a chang zo tai.

ISAI 9:3

Nam chu la supungta’n, a limnau la sukpun piak tai; bu lâk hun ah a nopsak gual leh, gâl lâk a kihop lai ua a kipak lai gual un, la ma-âng ah lim in a um ui.

JEREMIAH 48:3

Ngai tia, Horonaim ah mite kâ thawm chu: “Kisukgamna! Kisukgamna huaisia!”

JEREMIAH 48:33

Moab gam phatna kipat in, thatnopna leh kipakna lâkmang in a um ta’n; grep tui sûkna khûk ah kipat in, grep tui a kang ta’n; kuama’n kipak kawm in, grep ga chu a chil ta puau a; husa chu kipakna husa a hita puai.

JOEL 1:10

Loute chu suksiat gam a hita’n, gam chu lei in a sûn hi; bu chu suksiat ahi zo ta’n, uain a kang in, sathau chu a bei zo tai.

JOEL 1:16

I mit muu in I anteu chu, hi’mangthai ah um in, I Pathian In ua kipat in, kipakna leh limna sukbei hi talo a hem?

JONAH 4:7

Himaleh, a jing phalvak in, Pathian in lung khat a guat ah, zia chun nângbuk chu a la susia ta’n; tichun, a hung vuaitha tai.

HAGGAI 2:19

Bubûk ah buchi ding ah nutsia a um nalai em? Grepte, theichang kung, theibufai leh Oliv kungte chun ga sua nai lo a hiu em? Tu’ni kipat hin hun maljawl ding ka hi.

MALAKI 3:11

Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.

KISIMNA LEKHABU 13:23

Chuleh, gam enthate chu Eshkol phâiguam a hung tung un, zia tak ah chun grep ga bawk khat bep a hun lo un, mol in mi pani’n a hun zawn ua. Theibufai tawh theipi ga bang jat a hem le a hun puau a.