JEREMIAH 9:8 - PATHIAN LEKHABU THIANGTHO (BSI)

⁸ A Lei uh chu mi kâplupna thalchang gual ahi’n, a kam ua kipat in zuau thu a sêkdok ui. A sunggil un kichanggu zing maleu, a Invêngteu kiang in kam dam in a gen ui.

JEREMIAH 9:8 ပူးပေါင်းရင်းမြစ်များ

2 SAMUEL 3:27

Hebron lam ah Abner a hungkile’kit phatin, Joab in kul kotkhak paw lam ah chun hoguk ding gaw dan in a pui chuam ah, zia tak ah chun a tumpi a sutthil piak tai. Tichun, Joab suapipa Asahel thisan a la sua ziak ah chun a thi ta ahi.

SAM 12:2

Mitin in mi maiphatna leh lungthim thua ngen pu’n, zuau thu ngen a gen tau hi.

SAM 12:3

Lalpa‘n mi maiphatna mûk leh, kisathei tak ah thugenna lei zosia chu ât tan hen la:

SAM 120:3

Nang, zuauthei lei, bang piak ah um ding la hem? Bang hun law nâk lai ding la hi em?

SAM 28:3

Migilo leh thil phalo bawlte lak ah chun, thiamlo ei chan khawmsak kin la; amau chun a Invêngteu kiang in, kichamna thu gen sek maleu, a lungthim uh chun thil phalo ngen a ngaitua ngal un.

SAM 35:20

Kichamna thu him him a gen puau in, zia gam ah um muang hiat hiatte siatna ding, thu phalo ngen a gen ngal un.

SAM 55:21

A kam chu bawngnawi khal sâng in a zol zaw’n; a lunggil un vang do lung a pu zing ui; sathau sâng ah zol zaw’n thu a gen un, ahi’n, chemjam jukdoksa a hiu.

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

SAM 62:5

Ka hinna’n thip bek in Pathian bep a ngâk ah; ka kinepna chu ama ah kipat ahi ngal a.

SAM 64:8

A kam ua thu pawtte ziakin, siatna tuak ta’n au; a siatnau mu tapo chu lau in kithing in au.

THUPILTE 25:18

A Invêngte hêkna zuau thu phuak hât chu, khetbûkte, chemjamte leh thalchang hiam tak gual ahi.

JEREMIAH 5:26

Ka mipite lak in michavai mu in a um ta’ngâl a. Midangte neithil a lâkpiak ui. Vacha mante gual in thâng a kam un, mihingte a man sek ui.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

JEREMIAH 9:4

La Invêngteu lak ah kivêng unla, la chanauteu kuama gingcha kiu in; la chanauteu zosia mi suandaw hat a hiu a, la Invêngteu zosia le, mi gensia ding ah vak-hat ahi ngal un.

JEREMIAH 9:5

A Invêngteu a thêm chiat un, thu dik gen a um puau hi; thiam tak ah zuau genna’n a lei uh a mang un, khawlo tak in a um un, gitlona haisan hak a sa ma mau hi.

MIKAH 6:12

La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.