JEREMIAH 9:4 - PATHIAN LEKHABU THIANGTHO (BSI)

⁴ La Invêngteu lak ah kivêng unla, la chanauteu kuama gingcha kiu in; la chanauteu zosia mi suandaw hat a hiu a, la Invêngteu zosia le, mi gensia ding ah vak-hat ahi ngal un.

JEREMIAH 9:4 ပူးပေါင်းရင်းမြစ်များ

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

SAM 101:5

A Invêngte a gûk ah minsiat sak gawte chu, hi’mangthai ing ka. Mi kiletsak leh mi huhamte chung in dawthei pua’ng ka.

SAM 15:3

a lei ua mi gensia ngai lo, a gualte siatna ding bawl ngai lo, a Invêngte le gensia ngai lo,

THUPILTE 10:18

Huatna sêlgutu chu muk zuauthei pu’ ahi’n, mi gensiat chîng chu mingol ahi.

THUPILTE 25:18

A Invêngte hêkna zuau thu phuak hât chu, khetbûkte, chemjamte leh thalchang hiam tak gual ahi.

THUPILTE 4:16

Thil phalo a bawl masiau a ipmu thei ngai puau in; kua a hem khat bêk a kipalpâi sak lo uh chun, a ipmu thei ngai puau hi.

THUPILTE 4:17

Nunsiatna an ne’n, thagum sua’na uain a dawn sek ngal un.

THUPILTE 6:16

Lalpa huat lam thil paguk a um in, a ki’dak lam tak thil pasagi a um hi:

THUPILTE 6:19

zuau thei ah hiatpitu ah pangte, Inkuan sung ah kituaklona chî tute hi.

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

JEREMIAH 12:6

La chanaute leh la Inkuanpite nasan in, dawha phalo tak in a hun bawl nalai sêt un; a aw neisun un a hun ko zui un, bang gual ah thu pha gen maleu le, amau chu taksang ta kin.

JEREMIAH 6:28

A lêng un milochal hel mangte a hiu a, gensiat ding hawl ah vak tawl tawl, sum-eng leh thîk gual ah lung tâk, nunsia tak ah tawi ngen a hiu.

JEREMIAH 9:8

A Lei uh chu mi kâplupna thalchang gual ahi’n, a kam ua kipat in zuau thu a sêkdok ui. A sunggil un kichanggu zing maleu, a Invêngteu kiang in kam dam in a gen ui.

EZEKIEL 22:9

Nangma ah thisan sua dingin mi heksiat hatte a um un, nangma ah chun thoimual ah kithoina sanete lak in hûkna thil polche bawlte a um ui.

THIAMPUTE LEKHABU 19:16

Zuau gen ah mi lawttua in vak lumlet kin la, la Invêngte manthaina dingle hawl diak kin, Keima hi Lalpa la Pathian ka hi’ngâl a.

MALAKI 2:10

I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?

MATTHAI 10:17

Himaleh, mihing lak ah chun chingthei un; vaihawmte hun matsak intiu in, kikhopna In ah te hun vua’n tiu in;

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

LUKA 21:16

Chuleh, la nu leh pateu, la suapiteu, la unauteu leh la gualteu le, nanghaw matsak in hung pang in au; a khenkhat le hun that in au.

1 THESSALONITE 4:6

zia thu ah chun kuama’n chawnvâl in a unau chung in thil phalo bawl ki’hen; Lalpa chu zia gual ah bawlte chung ah phuba la sek ahiziak in, ka hun hillawk un, ka hun hiatsak zo tau hi.