JEREMIAH 9:24 - PATHIAN LEKHABU THIANGTHO (BSI)

²⁴ a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

JEREMIAH 9:24 ပူးပေါင်းရင်းမြစ်များ

SAM 20:7

Khenkhat in kângtalaite a suang un, khenkhat in sakolte a suang un, ei hawn vang I kisuanpiu chu, Lalpa I Pathian min uh ahi.

SAM 34:2

Ka hinna’n Lalpa a suang ah, thunuaigolte chun zia chu hia’n tiu in, kipak in au.

SAM 34:3

Aw, Lalpa ei choihoipiu inla, a min chawihoi khawm hitiu.

SAM 44:8

Pathian suang zing ing ka tiu in, la min chu kumtuang in chawihoi ing kau. (Selah)

SAM 44:9

Tu’hin vang nang in ei pâm pai in, lei tawden tai; ka sepaiteu la kitonpi nuam ta puai.

SAM 51:1

Aw Pathian, la ngilneina dungzui in, ka chung ah ja’ngai inla, la lainatna dungzui in ka hi’khelna thaimang ta’n.

SAM 91:14

Ei hepite chu hukdok ing ka tin, ka min hete chu vêng bit ding ka hi.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

ISAI 20:5

Chuleh, a kinepnau Ethiopia leh a kisuanpiu Aigupta ziak ah chun, lungdong leh lungjing in um ta’n au.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 45:25

Lalpa ah chun Israel suante zosia chu, gâl zo in lopi ta’n au.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

1 KORINTH 1:31

Tichun, “A suang tapo in Lalpa chu suang tau hen,” ti zik gual ah khan.

2 KORINTH 10:17

“A suang tapo in Lalpa chu suang tau hen,”

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.