JEREMIAH 9:20 - PATHIAN LEKHABU THIANGTHO (BSI)

²⁰ Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

JEREMIAH 9:20 ပူးပေါင်းရင်းမြစ်များ

JOB LEKHABU 22:22

A kam ah kipat thuhilna ngai inla, a thute chu la lunggil in khol khawm ta’n.

ISAI 3:16

Lalpa‘n zia gual hin a gen hi: Zion chanute kisathei tak ah ngawng thekawi leh, mittêt sâng tak ah, kikhaw awt awt ah chia ah, a kãl uh a suan git lok lok ziak un;

ISAI 3:4

Tichun, naupangte a lal ding un pia’ng ka tin, nausente’n a chung un vaihawm ta’n au.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 8:2

nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.

JEREMIAH 9:12

Zia hi hethiam thei ding khop ah mipil kua ahi em? A genjak theina ding un Lalpa kam in kua kiang in a gen em? Kuama’n a haw tâk lo’na ding ah gamthip gual tuk ah bang ziak ah, a gam pumpi hisiat leh nutsia ah um mai ahi tam?

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.