JEREMIAH 9:18 - PATHIAN LEKHABU THIANGTHO (BSI)

¹⁸ I mit ua mitthi tui a luandaw a, I mitvunteu in mitthi tui a nawdaw theina dingin, hung kinawu hen la; I chung un kâ La hung sa kin uh hen.

JEREMIAH 9:18 ပူးပေါင်းရင်းမြစ်များ

SAM 119:136

La dan bawsiat ahi ziakin, ka mitthi tui luipi gual in a luang tai.

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

JEREMIAH 3:24

I neulai ua kipat khan, I pu leh pateu sepgimna gate, bawng honte, belam honte, a chanuteu leh, a chapateu natiang in, I mualpho zo tau hi.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 6:26

Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:20

Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

KÂ LATE 2:18

Ngai tak in Lalpa ko un! Aw Zion chanu kulbâng! A sûn a jan in hoktui gual in, la mitthi tui uh luang ta hen! Chawlnga kiu inla, la mit le chawldam tik um ki’hen!

KÂ LATE 3:48

Ka mipite suksiatna ziakin, ka mitthi lui tui gual in a luang hi.

AMOS 5:16

Ziaziakchun, sepai honte Pathian, Lalpa chun zia gual hin a gen hi: Khawlai zosia ah mauna um intin, lamlian zosia ah chun: “A khawk na e! A khawk na e!” ti’n’au. A sûn dingin lou bawlte leh, a kap dingin kâ La thiamte ko in’au;

LUKA 19:41

Jerusalem a hun nai ma ma phat un, khawpi chu a vak en ah, a kâkhum ta’n: