JEREMIAH 9:16 - PATHIAN LEKHABU THIANGTHO (BSI)

¹⁶ A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

JEREMIAH 9:16 ပူးပေါင်းရင်းမြစ်များ

NEHEMIAH 1:8

La suak Mosi kiang ah la thupiak, ‘La ginumlo ua leh namtin lak ah hun thejak ing ka tin;

SAM 106:27

namtin lak ah a suan a pâkteu thêchek ah, gamtin ah thejak dingin a kitiam ta’n.

THUGENTU 12:5

chung sâng ah um le a hung lau un, lamlian ah le launa a nei un, vaimakha le a hung pâk ah, khauphak chun haksatna a hun tun ah, andu’na thei le a hung hût ah; mi zosia a kumtuang In zuan ah chia ding a hiziak un, lusûnte chu kotzing ah a vak tawl tawl ua;

JEREMIAH 13:24

Gamkeu ah busi hui in a tawmang gual in, hun the thâng ding ka hi.

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 25:27

Ziazaw chun, a kiang un zia gual hin la gen ding ahi, ei ti’n: Sepai honte Lalpa, Israelte Pathian chun zia gual hin a gen hi, ti’n la: La lak un chemjam ka lênsak ding ziakin, dawn unla, dawn kham unla, lawdok unla, kipuk unla, thodok kit ta kiu in, ti’n gen a.

JEREMIAH 29:17

Sepai honte Lalpa chun zia gual hin a gen hi: A chung un chemjamte, kialnate leh natpite hun lênsak ing ka tin; tichun, theichang ga hût, a siat ma ma ziak ah nêk tâk lo gual hun hi’sak ding ka hi.

JEREMIAH 44:27

A phatna ding uh hilo, a siatna ding un amau chu chânggu zing ding ka hi; Aigupta gam ah Judah mite zosia chu, pakhat chale hawi lo in, chemjam leh kial in that gam sik sek ding ka hi.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

EZEKIEL 11:17

Ziaziakchun, a kiang un: Lalpa Pathian in zia gual hin a gen hi, ti’n gen in: “Namtin lak ah kipat in hun pui khawm kit ing ka tin, la kithejaknau gam tin ah kipat hun pui khawm in, Israelte gam hi la kiang un pia kit ding ka hi.

EZEKIEL 12:15

Namtin lak ah, gam tin ah ka thejak phat leh, kei hi Lalpa ka hi ti hun he ta’n au.

EZEKIEL 14:17

Ahiloleh, zia gam chu gawt ding ah chemjam ka sawl ah, “Chemjam in a gam pumpi that hen,” ka ti ah, a gam ah gancha leh mihing a thâ gam chun,

EZEKIEL 20:23

Zia lo chun, gamthip ah khan namtin lak ah thejak ding leh, gamtin ah the’chek dingin ka la kipautiam ta’n;

EZEKIEL 27:2

Tu’hin, nang mihing, Tura chung ah Kâ La lem inla,

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

EZEKIEL 5:2

Khawpi lâkna ni a bukim phat leh, sam, se’thum sua a se’khat chu khawpi sung ah mei in hâltum inla; se’thum sua se’khat chu khawpi kîmvêl ah chemjam in sâttan sik sek inla; a se’thum sua se’khat dang chu hui tawsak inla, zia nung ah chun chemjam hun del zuisak ing ka.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

AMOS 5:16

Ziaziakchun, sepai honte Pathian, Lalpa chun zia gual hin a gen hi: Khawlai zosia ah mauna um intin, lamlian zosia ah chun: “A khawk na e! A khawk na e!” ti’n’au. A sûn dingin lou bawlte leh, a kap dingin kâ La thiamte ko in’au;

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

ZEKARIAH 7:14

chuleh, a mêlhet ngai lo namteu lak ah chun, chîmpei in a thejak gual in the’chek ka tin; tichun, a gam nutsiau chu gamthip suak ta’n tin; zia gam chu haw in kuama chia suk chia to le um ta pua’n au; tichun, gam nuam tak chu gamthip suak ta’n a,” a ti’n.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.

DAN LEKHABU 32:26

Kil tin ah del mang in, mihing lak ah amau hetna, hibei dingin ka ngaitua ta’n;

DAN LEKHABU 4:27

Lalpa‘n nam tin lak ah hun thejak intin, namtin lak ah kipat a hun pui kit ding tawmcha bep suakcha ta’n lau.

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.