JEREMIAH 9:11 - PATHIAN LEKHABU THIANGTHO (BSI)

¹¹ Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

JEREMIAH 9:11 ပူးပေါင်းရင်းမြစ်များ

NEHEMIAH 4:2

A lawite tawh Samaria sepaite umna chun zia gual hin thu a gen a: “Zia Juda mi jawngkhalte hin bang bawl a hita get awm? A sia zosia hi siampha kit zo ding kisa a hiu em? Kithoina lân kit ding ahi na diam uh maw? Ni khat sung in a sa zo diam uh? Ki’dak kisung khawm lak ah kipat suang kihâlsiate haw hi chom khawm ah tundin kit kinem ahi diam uh?” ti in.

SAM 107:43

Kuale a pil taphot in zia thilte chu ngaituau hen la; Lalpa ngilneina chu gunchu tak in, ngaitua chiat tau hen.

SAM 44:19

ahi’n, si-al hon lak in lei koi a, thim sâ tak in lei tuam nalai hi.

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

ISAI 13:22

A gâlvênbûkteu ah chun sa-uak hâm intin, a lal In nuam tak teu ah chun si-alte hâm ta’n au; zia hun chu a nai ma ma ta’n, a nite chu vokchawn hipua’n a.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 16:10

Chun, zia thute hi mipite kiang ah la gen phat leh, amau in, “Bang ding ah Lalpa‘n ka chung ua siatna zia gual tuk ah huaisia hung tung ding chu a gen ah a hem? Bang a hem ka khawlonau? Lalpa ka Pathian chung ua ka bawl khial uh bang a hem?” ti ah a hun gen phat ua leh,

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 25:18

Jerusalem leh Judai gam ah khawpite, a lengteu leh a khawnbawlteu tawh, a leng ua a segawp leh a hawm ah nutsia a um ua, tu’ni a um gual ua, mite eulau leh hânsedawl ah siam in;

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 26:9

Bang ding ah Lalpa min ah, “Zia In hi Shilloh gual hung hi’n tin, zia khawpi hile a sung ah chêng umlo ah a hawm ah nutsia hung um ding ahi, la ti a hem?” a tiu a. Tichun, Lalpa In ah Jeremiah chu mipite chun a hun ûm tau a.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 44:2

sepai honte Lalpa, Israelte Pathian in zia gual hin a gen a: Jerusalem leh Judai gam ah khawpi zosia chung ah, siatna ka tunsak zosia hi la mu suak kêi un. Vak en ma tiam un; tu’ni hin nutsia ah um in, kuama a chêng ta puau hi;

JEREMIAH 49:33

Hazor chu sa-uakte bep chênna mun hung hita’n tin, kumkhua’n seden ta’n a; zia chun kuama chêng ta pua’n tiu in, kuama’n um mun khual ta pua’n au.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 51:37

tichun, Babulon chu ki’dak paikhawmna, si-alte chênna mun leh, mitin tizat leh eulau leh, kuama chênlo’na hung suak ta’n a.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 3:47

dipdapna leh kawkhûk in ei tuam ta’n; châkvaina tawh siatna tawh le.

THIAMPUTE LEKHABU 26:32

La gam uh hisia dim dem ing ka tin, zia tak ah chêng ding ah hung la mêlmateu nasan in lamdang sa’n au.

MIKAH 1:6

Ziaziakchun, Samaria chu, buaksia sunkhawmna vum mai leh, grep kiphu’na mun in siam ding ka hi. Khawpi sung ah suangte chu, phâi guam lam in likmang sik sek ing ka; tichun, khawpi suangphûmte chu, laidok sik sek ding ka hi.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

THUPUAN 18:2

Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.