JEREMIAH 9:10 - PATHIAN LEKHABU THIANGTHO (BSI)

¹⁰ Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:10 ပူးပေါင်းရင်းမြစ်များ

ISAI 41:15

Tu’hin, nang uh chu buhêkna khawl thak, hiam tak, a thak leh ha hiam tak nei in, hun siam ding ka hi; tângte chu hêk in la tin, hêk buang inla; mualte chule busi suaksak inla.

ISAI 49:19

La mun se’sau, giauchangte leh, la gam suktawp ah umte chu, matheilo in chêng dim kit in, neu talua hun sa hial ta’n lau; nanghaw hun chomgamte chu vang, gamla tak in jam ta’n au.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 12:11

Gamnungsang a suaksak tau hi; a thawmhau ta’n, ka kiang in a mau tai. Gam pumpi thawmhau tak ah siam ahi tai, maleh, kuama’n bangma’n a ngai puau hi.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 14:6

Gam sabiltungte le tâng sip zum ah, si-al gual ah hui dong in a ha dup dup tau a; a nêk ding uh hampa hing umlo ziakin, a mit uh a chau hial tai.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 8:18

Ka limna’n ei taisan ta’n, lungngaina’n ei chûm tai; ka lungthim a na tai.

KÂ LATE 1:16

Zia thilte ziak hin ka kap in; ka mitthi tui a luang hi; thamuantu ding leh ei hi’hat ding, a gamlat tâk ziak in; mêlmate’n ei nuaisia tâk ziak un, ka vonchoiteu nutsia in a um zo tau.

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 5:18

Zion tâng a châkvai tâk ziakin, si-alte a chung in a ta zo tau hi.

EZEKIEL 14:15

A gam susia ding ah gam sahângte ka sawl lut chun, a gam chu nutsia’n um ta’n tin, gam sahângte a lau ziak un, kuama’n haw ngam talo ding a hiu;

EZEKIEL 27:2

Tu’hin, nang mihing, Tura chung ah Kâ La lem inla,

EZEKIEL 29:11

Kuama’n haw pua’n tin, gamsa te’nle haw ta pua’n ah; kum sawmli sung kuama chêng lo in um ta’n a.

EZEKIEL 33:28

Gam chu thawmhau tak ah nutsia hi’ntin, a kisuanpiu a hatnau chu hi’bei ing ka; Israel gam ah tângte chu nutsia hi’ntin, kuama chia ta pua’n au.

EZEKIEL 6:6

La mâichâm uh suksiat leh chomnâm a hiu ah, la milimteu khet buang leh khet gawp a hiu ah, la gimtui khuamteu sat bot a hiu ah, la khut nasep zosiau phiatnâm a hitheina dingin, la chênnau mun taphot ah la khawpiteu a hawm ah nutsia hi’ntin, la thoimualteu chule suksiat dik dek hita’n a.

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:19

Aw Lalpa, nangma ka hun ko hi. Mei in gamthip ah hampate a kângtum ta hen; meikuang in lou lai ah thing zosia, a kâng tum zo tai.

AMOS 5:1

Aw Israel Inkuan ah mite haw, nang uh chung ah sûnna thu kâ La hi ngai tiam un:

AMOS 5:16

Ziaziakchun, sepai honte Pathian, Lalpa chun zia gual hin a gen hi: Khawlai zosia ah mauna um intin, lamlian zosia ah chun: “A khawk na e! A khawk na e!” ti’n’au. A sûn dingin lou bawlte leh, a kap dingin kâ La thiamte ko in’au;

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.