JEREMIAH 8:7 - PATHIAN LEKHABU THIANGTHO (BSI)

⁷ Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

JEREMIAH 8:7 ပူးပေါင်းရင်းမြစ်များ

SOLOMON LÂ 2:12

Lei chung in pâkchate a hung kilang tau in; La sakna hunbî a hung tung tai, I gam un vahui hâm git a kihe kit tai.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 5:12

tingtang, pekkhuang, lilu tawh uain limpi luaithe ah, kinoptel tak ah um sekte haw, Lalpa thilbawl ngaisak lo ah, a khut nasepte en ngailote chung chu a gik hi!

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

HABAKKUK 1:4

Tichun, dan chu a tânjau in, vaihawmna dik a um puai. Migilo in mi diktatte a ûm vêl un, ziaziakchun, thudik chu bangmalo a suak tai.

ZEKARIAH 5:9

Ziaphatchun, ka et to kit leh, numei pani ei hun zuan ka mu’n. A tha’teu ah chun hui a um a; tuivakang tha gual a nei un, chuleh, lei leh van kikâl in bawm chu a dom to tau a.