JEREMIAH 8:6 - PATHIAN LEKHABU THIANGTHO (BSI)

⁶ A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

JEREMIAH 8:6 ပူးပေါင်းရင်းမြစ်များ

JOB LEKHABU 10:2

Pathian kiang in, ei awimaw kin la, lei kinakpina ziak ei hil in, ti’ng ka.

JOB LEKHABU 34:31

Kua’n a hem Pathian kiang ah: “Gawtna ka thuak tai, thil phalo bawl kit ta pua’ng ka;

JOB LEKHABU 34:32

ka hetphâk lo chu ei hil inla, a la bawlkhial ta ka hi chun, bawl kit ta pua’ng ka,” a ti ngai em?

SAM 14:2

Pil leh hethiam ah Pathian hawl a um awm, ti’n Lalpa‘n van ah kipat in, mihing chate a hun en suk ah.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

JEREMIAH 23:25

Ka min ah zuau thu bep gen sek jawlneite’n, “Ka manglam in ka mu’n, ka mang in ka mat hi!” a ti zosiau chu ka hesuak hi.

JEREMIAH 3:5

lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

EZEKIEL 18:28

Amau kilunggel dungzui ah a thil phalo bawl uh haisan a hiziak un, a hin tei diu ahi; a thilo diu ahi.

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.

HAGGAI 1:5

Tu’hin, sepai honte Lalpa chun: La umdan uh kisui thak tiam un.

HAGGAI 1:7

Sepai honte Lalpa chun: La umdan uh kisui thak tiam un.

MALAKI 3:16

Chun, Lalpa lau mite a kiho un, Lalpa‘n tepte in a ngaitha’; Lalpa ja ah a min ngaitua zingte chu tepte’na lekhabu chun a ziklut tai.

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.