JEREMIAH 8:5 - PATHIAN LEKHABU THIANGTHO (BSI)

⁵ Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 8:5 ပူးပေါင်းရင်းမြစ်များ

THUPILTE 4:13

Zilgaina chu tudet inla, tha’suak ta kin; chingtup in, la hinna ahi ngal a.

ISAI 1:20

ahi’n, thu mang lo ah la huhel uh chun, chemjam in hun vai tan in a; Lalpa kam in a la gen ta’ngâl a,” ti in.

ISAI 30:10

Zia mite chun, thil mulawk theite kiang in: “Bangma mu ta kin,” a tiu a; jawlneite kiang in, “Ka kiang un thudik bangma gen ta kiu in; thu ngainop um cha cha gen unla, ngaituana vantang mai mai gen un;

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 3:5

lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 5:27

Vacha bawm dim ah kikhum gual in, a Inteu chu kithepna’n a dim hi; ziaziakchun, a hung hausa tau a, a hung thupi tau hi,

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

HOSEA 11:5

Aigupta gam ah kile’kit intiu in, ka kiangah a hung kile’kit nop lo ziak un, Assuria chu a lengpau hung hi’n a.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.

JOHAN 5:40

Himaleh, hinna la neina ding un ka kiang in la hung nuam puau hi.

1 THESSALONITE 5:21

Bangkim patep unla, a pha chu tudet tau in.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

THUPUAN 2:25

ka hung kit masia la neisa kha a la vop pha zing ta’n.