JEREMIAH 8:22 - PATHIAN LEKHABU THIANGTHO (BSI)

²² Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

JEREMIAH 8:22 ပူးပေါင်းရင်းမြစ်များ

THILSIAM THU 37:25

Chun, an ne dingin a kichu khawm tau ah; chuleh, a vak khawdat ua leh Ishmael khualzinte, a sangawngsau hon uh tawh Gilead gam ah kipat gimtui leh thingnâi damdawi tawh murra pua’n, Aigupta gam ah chia suk dingte a vak mu tau a.

THILSIAM THU 43:11

Ziaphatchun, a pau Israel chun a kiang un, “Chuti ahi ding leh, zia gual hin hiu in: La dip ua khan zia gam ah thilpha khenkhat: thingnâi damdawite, khuaizute, gimtuite, murrate, theihawngte leh vaimakhate neucha chiat in ziapa kiang ah chu kipak thu genna dingin puak piak unla.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 22:6

Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 46:11

Aw, nungak thiangtho Aigupta chanu, Gilead ah chia to inla, thingnâi damdawi vala’n. Damdawi tam tak la mang ta na’n a phachuam pua’n, nang â ding ah damna a um puai.

JEREMIAH 51:8

Thakhatpi’n Babulon chu a pûk in, a chimtha tai; ama chu sûn tau in! A dam kit thei khâk leh, a beliam damdawi ding hun choi piak un.

JEREMIAH 6:7

Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

EZEKIEL 27:17

Judah leh Israel gam inle sumkawl a hung vei un; Minnith ah gehu bu, châng, khuaizu, sathau leh thingnâi gimtuite’n la van a hung kithenpi sek ui.

KISIMNA LEKHABU 32:1

Chun, Reuben chate leh Gad chate chun gancha a hau ta ma mau ah. Jazer gam leh Gilead gamte chu a mu phât un, ganchate â ding ah gampha ma ma ahi ti a he tau a;

LUKA 8:43

Zia tak chun numei pakhat, kum sawm leh ni thipût a hung ah, ama chun a nei zosia daktor kiang in a sêng zo ta’n; himaleh, kuama’n a hi’dam thei puau a.