JEREMIAH 8:18 - PATHIAN LEKHABU THIANGTHO (BSI)

¹⁸ Ka limna’n ei taisan ta’n, lungngaina’n ei chûm tai; ka lungthim a na tai.

JEREMIAH 8:18 ပူးပေါင်းရင်းမြစ်များ

SAM 143:7

Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

JEREMIAH 23:9

Jawlneite chung thu ah chun: Ka sunggil ah hin ka lungthim chu a na ma ma in, ka gu leh châng zosia a kithing ui; Lalpa ziak leh a thu thiangtho ziakin, zukham leh zu’n a thuzawte gual in ka um tai.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 6:24

A chanchin uh chu ka la he tau a, ka khutteu chu a chau tha zo tau hi; numei naunei ding nat thuak gual in, lung gimna’n ka dim ui.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

KÂ LATE 5:17

Ziaziakchun, ka lungthim uh a chawldam pua’n, zia thilte ziak chun, ka mit uh a thim zo tai.

HABAKKUK 3:16

Ka het phât in ka sunggil a kithing ah; a git chun ka mûknote lau in a kithinsak hi. Ka gusung un muatna a lut in, ka nuai ah ka kalsuante a kilîng hi. Kei uh ei do’te chung ah siatna nikhua hung tung ding chu; thipbek in ka ngâk ta mai ahi.