JEREMIAH 8:14 - PATHIAN LEKHABU THIANGTHO (BSI)

¹⁴ Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

JEREMIAH 8:14 ပူးပေါင်းရင်းမြစ်များ

2 SAMUEL 20:6

David in Abishai kiang in, “Tu’hin Bikhri chapa Sheba chun Absalom sâng ah ei subuai zaw ding ahi; la pu sepaite hi pui in la delzui in; achutiloleh kuldette a la kilâk man intin, suakcha khatto in a,” a tia.

SAM 39:2

Thipbek ah pau lo in ka um in; a pha ziang le gen lo in ka thip a, ahi’n, ka lungngaina chu a khawk zaw sêm ah;

SAM 69:21

Ka an dingin gû ei piau a, ka dangchâk ah dawn ding uain thûk ei piau hi.

ISAI 47:5

Aw Kaldai chanu, thipbek in kitung inla, thim lak zuan in, lenggamte chung ah lengnu hi talo ding la hi’ngâl a.

JEREMIAH 14:20

Aw Lalpa, ka pu leh pateu gitlona tawh, la chung ah ka thilbawl khialnateu hia’n, ka nunsiatnateu ngaidam ka hun don ui.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 23:15

Ziaziakchun, sepai honte Lalpa chun, jawlneite chungchâng in zia gual hin a gen hi: Gamsai nêksak ing ka tin, gu’tui dawnsak ing ka; Jerusalem ah jawlneite lak ah kipat in, gam pumpi pathian ngaisak lo’na, a hung pawtdok ta’ngal ah, ti in.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 35:11

Himaleh, Babulon Lengpa Nebukadrezar a hung ah, gam pumpi a hung do lai khan, ‘Kaldai sepaite leh Aramte sepai haw ka lau man un, hung unla, Jerusalem ah chia hitiu,’ ka tiu a. Ziaziakchun, Jerusalem khua sung ah chêng thei bep ka hiu,” ti in.

JEREMIAH 9:14

a pu leh pateu in a hilnau dungzui ah Baal a delzui un, lu’lul tak ah a lungthim dawi dan uh a zui zawk tak ziak un.

JEREMIAH 9:15

Ziaziakchun, sepai honte Lalpa, Israelte Pathian chun zia gual hin a gen hi: Zia mite hi gamsai in vâk ing ka tin, gu tawh kihel tui a dawn ding un pia’ng ka.

KÂ LATE 3:19

Ka genthei dan leh ka In leh, lou bei dante ngaitua mai hile, gamsai leh thinkha tui a bang hi!

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

AMOS 6:10

Chuleh, mithi hâl tum ah um ding a chanaupa chun, In sung ah kipat mithiluang a hun lakdaw guat ah, In sungnung pen ah um kua a hem khat kiang ah chun, “La kiang ah mi dang khat a um nalai em?” hun ti leh, ama chun, “A um ta puai,” ti’n dawnhu ta’n a. Ziaphat chuleh, “Katei! Lalpa min chu I suadok lo hial diu ahi,” hun ti’n a.

HABAKKUK 2:20

Lalpa chu a ahileh tempul thiangtho in a um hi, lei chung ah mi zosia a âng ah thip chil chel tau hen!

ZEKARIAH 2:13

Mizosiate haw, Lalpa âng ah chun thip chil chel tau in, ama chu a mun thiangtho ah kipat in a hung thodok ta ahi.

MATTHAI 27:34

a dawn dingin uain, thil kha tawh kihel a piau ah; a vak tep leh a dawn nuam ta pua’n.

DAN LEKHABU 29:18

La lak un pawsal khat, numei khat, Inkuan khat a hem leh phung khat a hem, zia namte pathian ho ding leh a nau sêm ding ah a lungthim ua Lalpa la Pathian uh kiheimangsan kha pal la lak un hung um kha tawl in, thil gu nei leh a ga kha seldawna bulte hung um kha’n a.

DAN LEKHABU 32:32

A grep tui uh Sodom grep ga, Gomorrah gam ah kipat ahi’n; a grepteu chu grep gu nei leh, a ga bomte chule a kha’ ngen ahi’n;