JEREMIAH 8:13 - PATHIAN LEKHABU THIANGTHO (BSI)

¹³ Amau ka lak khawm guat phatin, grep gui ah a ga a la um ta pua’n, theichang kung inle a ga a la um ta puai; Lalpa‘n a tii; a duate nasan a vuaitha zo ta’n, amau ka piakte natiangle a la um ta puai.

JEREMIAH 8:13 ပူးပေါင်းရင်းမြစ်များ

ISAI 5:10

Grep huan chîng sawm in bath khat khêl kihêkdok pua’n tin; buchi homer khat in ephah khat khêl ga sua pua’n a.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 14:15

Ziaziakchun, ka sawl lo ah ka min ah thu gen sek, jawlneite chungchâng ah zia gual hin Lalpa‘n a gen ah; amau chun la: “Zia gam sung ah hin kido’na chemjam leh kialna hung tung lo ding ahi,” a tiu a. Kido’na chemjam leh kialna ziakin zia jawlneite chu that gam ding ka hi.

JEREMIAH 17:8

Amau chu tui kiang ah thing kiphu ah, a zungte lui pang ah jam lut gual chu a hiu hi. Khua a hung lum ding lau pua’n tiu in, a duate chule hing zing in a; khawkhâl kum inle lungkham lo in, gâ lo tik a nei puau hi.

JEREMIAH 5:17

La louma suak leh bute hun nêk zaw piak intiu in, la chanuteu leh la chapateu hun nêk zaw piak in au; la belam hon leh bawng honteu hun nêk zaw piak in, la grep leh theichang gateu le hun nêk zaw piak in au. Chuleh, la kisuanpi ma mau khawpi kul det tak neite chule, a chemjam un hun hisia’n au.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

EZEKIEL 22:31

Ziaziakchun, ka lungnatna ka but khum ta’n; ka lungnatna mei in ka hâltum tai; a umdan dungzui un ka thuk ta ahi, Lalpa Pathian in a ti ahi,” ti’n a gen a.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

JOEL 1:7

Ka grep guite a susia’n, ka theipi kungte a eknêl in, a hawng a khe’dok hi; chuleh a bâkte heutha’n a paimang tau hi a bâkte a keugawp zo tai.

THIAMPUTE LEKHABU 26:20

La hatnau a thawn in sêng in la tin uh, la louteu in ga sua pua’n tin, gam ah thingte’n le ga sua diak pua’n au.

HABAKKUK 3:17

Theichang kung selthak lo in, Oliv thingte’n ga sua lo in, loulai ah bu piang lo in, gan-gualte chule a huang ah um talo in, gan kul ah chun bawng hon pakhat chale, um talo ziang maleh

HAGGAI 1:11

Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

HAGGAI 2:17

Nangmau leh la sepgimnau ga zosia chu kumthu, muatna leh gial in ka hun sugam ta’n; himaleh, kei kiang ah la hung kile’kit nuam puau hi, LALPA‘n a tii.

MALAKI 3:11

Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.