JEREMIAH 7:9 - PATHIAN LEKHABU THIANGTHO (BSI)

⁹ Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

JEREMIAH 7:9 ပူးပေါင်းရင်းမြစ်များ

1 LENGTE 18:21

Ziaphatchun, Elijah in mipi zosia chu a hun nai ah, “Lung vânglak tak ah bang chan chawm lumlet ding la hiu em? Lalpa chu Pathian ahileh, ama zui unla; Baal chu ahi zawk leh le zui tau in,” a tia. Mipite chun kam khat inle a dawnhu puau hi.

PAWTDAWNA THU 20:3

Keima tilo Pathian dang him him la nei lo diu ahi.

ISAI 1:13

La kithoina thil latteu a thawn ahi; la gimtui uh haw le ka chimchâk hi. La thathak leh sabbath niteu leh, gûkkhel kawm ah khawmpi thupi tak ah la bawlteu hi, ka thokda lam tak ahi.

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 44:3

a chêngte’n thil phalo bawl ah ei la suklungnat ziak un. Amau chun pathian dang, a pu leh pateu, nangmau leh amau ziang inle a la ho khâk ngailoteu chu ho in, a kiang ah kithoinate a la lân tau a.

JEREMIAH 44:8

La vachênnau Aigupta gam ah pathian dangte kiang ah kithoina lân ah, bang ding ah la khut nasepteu ma ma ah ka lungnatna choktho la hiu em? Khawvel namtin lak ah hânsia law leh gensiat ah um dingin hun paitha ma ma ding ka hi em?

JEREMIAH 44:9

Judai gam leh Jerusalem kotzingte ah, la pu leh pateu, Judai gam ah lengte leh a jiteu, nanghaw leh la jiteu in tual la tha’nateu haw kha hemil zo la hitau em?

JEREMIAH 48:35

Chun, Moab mite’n mun thiangtho ah a pathian kiang ua kithoina a bawlteu leh, a thillatteu chu sutawp ding ka hi, Lalpa‘n a tii.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.

JEREMIAH 5:7

Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

EZEKIEL 18:18

A pa ahileh vang, thagum ah mi â a lak piak ah, a suapi a suam ah, a mipite lak ah thil phalo tak a bawl ziakin, a gitlona ziakin a thi ding ahi.

EZEKIEL 20:30

Ziaziakchun, Israel Inkuante kiang in, Lalpa Pathian in zia gual hin a gen hi vati’n: La pu leh pateu dungsûn ah nang uh kisubuak ding leh a thil ki’dak um bawlteu del ah taijak ding la hiu em?

EZEKIEL 23:39

A milimteu kiang ah kithoina ding ah a chateu a thalup niu ma ma in, ka munthiang hi’buak dingin a hung lut un. Ka In ah zia gual chun thil a bawl ui.

EZEKIEL 5:11

Ziaziakchun, Lalpa Pathian in, ama kiminlaw in, “Ki’dak la umnau zosia leh, la polchenau zosia ah ka mun thiangtho la sukbuak zaw tâk ziak un, hun dangdâk ding ka hi; ka mit inle hun en pua’ng ka tin, daidawp talo ding ka hi.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.

ZEPHANIAH 1:5

Inchung ah kipat aksi honte ho ah; Lalpa ho ah kitiam ah, Milkom pathian ah le kitiam ah,

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

ROMTE 2:2

Ahi’n, zia tawhbang thil gilo bawlte chung ah chun Pathian in thutak in vai hun hawm ngei ngei ding ahi, ti I hiatsau ahi ngal a.

DAN LEKHABU 32:17

Pathian kiang hilo, thithate kiang in a kithawi un; a hetngai lo uh pathiante kiang in, a pu leh pateu in a la lau ngailo uh, vainung lam tak ah hung um thak, pathiante kiang ah chun.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

VAIHAWMTE 5:8

Amau in pathian dang a têl zawk phat ua leh, kêlkot bul ah kido’na a um sek in. Israelte sîng li lak in, lum leh phaw khat chale mu in a um ah a hem?