JEREMIAH 7:7 - PATHIAN LEKHABU THIANGTHO (BSI)

⁷ ziaphat chuleh, masanglai ah la pu leh pateu kiang ah a kumkhaw go ding ua ka la piakna, zia gam sung ah hin la lak un hung chêng ta’ng ka.

JEREMIAH 7:7 ပူးပေါင်းရင်းမြစ်များ

2 KHANGTHU 33:8

amau chun a zui ding ua thu ka piak zosia, ka dan thute, chawndan pha leh Mosi khut ah ka thupiakte chu a zui nâk ua ahi chun, la pu leh pateu ka la piakna gam ah kipat hin, Israelte keng chu suan dawsak lo ding ka hi,” a ti’sa kha ahi’n.

PAWTDAWNA THU 22:22

Meithâi hileh, nauchaga hileh la sukgenthei lo ding uh ahi.

ISAI 1:19

Thu la mat ua la nop phot uh leh, gam phatna hi hun ne’n la tin uh,

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.

DAN LEKHABU 4:40

Nanghaw leh la nung ua la tû leh chateu â ding ah thilpha ahi theina ding leh, Lalpa la Pathian un a hun piakna gam ah la um sawt theina ding un, tu’ni ka thupiak dungzui ah hin ama dan leh a thupiakte chu zawm tau in.