JEREMIAH 7:6 - PATHIAN LEKHABU THIANGTHO (BSI)

⁶ la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 7:6 ပူးပေါင်းရင်းမြစ်များ

2 LENGTE 21:6

A chapa chu mei ah kithoina’n a mang ah, hunte a chansak ah, âisânte leh ho in a nei sek ah: Lalpa mit mu ah chun nunsiatna huaisia tak takte chu a hun bawldok ta’n, a lungnatna chu a hun chok puang tai.

2 LENGTE 24:4

chuleh, mi bangma suse lo thisan chu a sua a; mi bangma suse lote thisan chu Jerusalem lam ah a dimsak tâk ziakin; zia chu Lalpa‘n a ngaidam nuam ta puai.

SAM 106:38

sia leh pha helote thisan, a chapa leh a chanuteu thisan ngei chu, Kanaante milim kiang in a piau a; zia gam chu thisan in a subuak tau hi.

THUPILTE 23:10

Gamgi tepte’na umsa chu chawn kin la; nauchagate gam chule lak piak diak kin,

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 2:34

In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 26:15

Lei thalup ua leh vang, nanghaw leh zia khawpi leh a sung ah chêng zosia hin, midik thisan sua la hiu ti vang kihiat tin ten un; a dik tak in, la nakhang ua zia thute hi hung gen ding ah Lalpa‘n ei sawl ka hi,” a ti tai.

JEREMIAH 26:23

Aigupta gam ah kipat in Uriah chu a vapuidok un, Lengpa Jehoiakim kiang ah a hun pui tau ah; ama chun chemjam in a satlum ah, a luang chu mipi vantang thanmual in a vui tau hi.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 7:5

La umdanteu leh la thilbawl danteu la siamphat chiat ua, mimal tin kikâl ah dikna a um phat leh,

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

EZEKIEL 18:6

thoimual ah sate ne lo ah, Israelte milim lam a ngat lo nâk ah, a Invêngte ji a hem, numei a buak lai ah a kihibuak lo nâk ah,

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

THIAMPUTE LEKHABU 19:33

Gam dang mi, la gam sung ah hung chêngte chu a siatna ding uh la bawl lo ding ahi.

THIAMPUTE LEKHABU 25:17

Kilepbawl tua kiu inla, la Pathian uh la lau ding uh ahi: Keima hi Lalpa la Pathian uh ka hi’ngâl a.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 27:25

Ziaphatchun, mipi zosia chun a hun dawnhuu a, “A thisan chu keimau leh ka chateu chung in um ta hen,” a tiu a.

MATTHAI 27:4

“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.

DAN LEKHABU 11:28

Lalpa la Pathian uh thupiakte zui lo ah la kiheisan ua, la het ngai lo uh pathian dangte la ho ua leh chu hânsia lawna mu’n lau.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

DAN LEKHABU 27:19

Gamdang mite, nauchagate leh meithâite diklo tak ah vaihawm piakte chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

DAN LEKHABU 8:19

Ahi’n la, Lalpa la Pathian uh chu la hetmil ua, pathian dang la zui ua, a nau sêm ding ah la biak him him uh chun, mangthai ding la hiu ti tu’ni hin ti tak tak in ka hun hil khol la hiu.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.