JEREMIAH 7:4 - PATHIAN LEKHABU THIANGTHO (BSI)

⁴ “Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

JEREMIAH 7:4 ပူးပေါင်းရင်းမြစ်များ

1 LENGTE 9:7

zia tak chuleh, amau â ding ah ka piakna gam, Israelte lâkpiak ing ka tin; chuleh, ka min ding ah ka sukthian In chu ka mit mu ah kipat koimang ing ka tin; Israelte chu midangte zosia lak ah paukikna leh nuizatbûk hung hita’n au.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 28:15

Jawlnei Jeremiah chun jawlnei Hananiah kiang in, “Ngai tia Hananiah, Lalpa‘n nang a hun sawl lo pi’n zia mipite hi zuau thu la ginchaksak a.

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 29:31

Saltângte zosia kiang in zia gual hin thot in: Nehelam ah um Shemaiah chungchâng thu Lalpa‘n zia gual hin a gen hi: Ka sawl lo pi’n Shemaiah in la kiang un thu a hung genlawk ah, zuau thu taksang ding ah a hung thep zaw ziakin,

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

JEREMIAH 7:14

ziaziakchun, la pu leh pateu leh nanghaw tiang ah la lua ding ua ka la piakna mun leh, ka min ah kiphuak zia In hi, Shilloh chung ah ka bawl gual khan hun bawl ding ka hi.

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

LUKA 3:8

Gitlo haisanna tawh kigûn in ga hun sua phot tau in. La lunggil un, ‘Abraham chu ei suanpa ahi’ ti’n kisuang ziang kiu in; ka hil la hiu, Pathian in zia suangchangte hile Abraham chate a suaksak thei hi.