JEREMIAH 7:34 - PATHIAN LEKHABU THIANGTHO (BSI)

³⁴ Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

JEREMIAH 7:34 ပူးပေါင်းရင်းမြစ်များ

JOB LEKHABU 3:7

Ahi, zia jan chun kuama piang ki’hen la, zia ni’ chun kipakna husa him him gidok ki’hen.

SAM 78:63

A tangvalteu chu mei in a kâng tum a, a nungakteu in kichenna La ding a nei ta puau hi.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

JEREMIAH 16:9

Israelte Pathian, sepai honte Lalpa‘n zia gual hin a gen ngal a: La damsung un la mit muu in, limna husa, mo lopna, mo thâkna leh kipakna husa him him zia mun ah kipat hin suthip ding ka hi.

JEREMIAH 22:6

Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 25:10

Chuleh, a lak ua kipat limna husa, kipakna thil git leh mo neipa aw hihen la, mo nu aw hitaleh, buhêkna khawl git leh thaumei vakna zosia naw mang ta’ng ka.

JEREMIAH 27:17

A thugen uh chu ngai kiu inla, Babulon lengpa na sêm un la khawsa tau in. Bang ding ah zia khawpi hi a hawm ah nutsia hi mai ding a hem?

JEREMIAH 33:10

Zia gual hin Lalpa‘n a gen hi: “Zia mun tak chu aw, mihing leh ganhing um lona ding in a pâmmai na e!” la ti’na mun, Judai gam ah khawpite leh Jerusalem khawlai dung, a sung ah chêng ding mihing leh gancha umlo’na mun ma ma ah chun,

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

JEREMIAH 4:26

Ka vak et leh, ngai tia, gam phatnate chu gamkeu a la suak zo ta’n, a khawpi zosia chule, Lalpa âng ah chun, a lungnatna ziak ah chun suksiat a hi zo tai.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

KÂ LATE 5:14

Upate chun khawpi kotkhak a nusia tau in; tangvalte’n le a La sak uh a chawlsan zo tau hi.

EZEKIEL 26:13

La La sak husate thipsak ing ka tin, la tingtang giteu het hi kit ta pua’n a.

EZEKIEL 7:11

Kipawngbawlna chu nunsiatna mol in a piting tai. A neinungnau leh a hausaknau khat chale umden ta pua’n tin; a lopinau le um diak ta pua’n a.

HOSEA 2:11

A kipakna hun zosia, a kûtte, a thathakte, a sabbath nite leh, a gualnop nibîk zosiate sukbei piak ding ka hi.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

THUPUAN 18:23

Chuleh, la sung ah hin thaumei him him le vâk kit ta pua’n tin; la sung ah hin mo leh moneipa aw git ti le kihe ta pua’n tin; la sung ah sumkol veite kha lei miliante a hiu a, la dawi thiamna nam zosia thep zaw a um a hiu kha.