JEREMIAH 7:31 - PATHIAN LEKHABU THIANGTHO (BSI)

³¹ Hinnom chapa guam ah chun, a chanuteu leh a chapateu mei ah latna dingin Topheth thoimualte a siam ui; zia gual ah chu bawl dingin thu ka pepua’n, ka ngaituana’nle a um kha puai.

JEREMIAH 7:31 ပူးပေါင်းရင်းမြစ်များ

2 LENGTE 17:17

Tichun, a chapateu leh a chanuteu chu mei a hun palthensak ua, âisân leh zuau thu ah mi thêmhatte a kawm ua, Lalpa mit mu ah thil phalo tak bawl dingin, amau leh amau a kizuak thanghuai tau hi.

2 LENGTE 23:10

Chuleh, Molekh ah a chapa a hem a chanu a hem, mei ah kithoina kuama’n a mat tâk lona ding un, Hinnom chate umna phâizang ah Topheth chu a vasubuak tai.

2 LENGTE 23:20

Mâichâm chungah chun thoimual thiampute chu a that ah, a chung un mithi gute zosia chu a hâl tum ah, ziazaw chun Jerusalem lam in a kile’kit tai.

2 KHANGTHU 28:3

Hinnom chapa Phâicham ah kithoinate bawl in, Israel mipite ma-âng ah a la um, Lalpa‘n a la nawdaw piak namte’n ki’dak um tak a la bawlteu chu bawl in, a chapate le a la lân tai.

2 KHANGTHU 33:6

Hinnom Chapa Phâijawl ah chun ama chapa ngei le mei lak ah kithoina’n a la chia thensak ah; chuleh, dawi bawl, mitvaidawi, âisân, thitha ho’na leh thitha tawh kijawlna haw le a hun bawl a. Lalpa mit mu ah thil phalo khawk tak tak leh a choklungna thei tak takte a hun bawl tai.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 57:5

Gangpi thing leh thinghing bulnuai tincheng ah, thanghuai tak in la kikawi un; nanghaw, phâijawl tincheng leh, suangpi kawhawm tincheng ah la chasenteu, kithoina that sekte kha hilo la hiu em?

JEREMIAH 19:2

Hinnom chapa phâijawl lam, Bêlhal kotpi ah chun pawtdok inla, zia tak ah chun ka thu hun hilte hi va puangjak in.

JEREMIAH 2:23

“Ka subuak pua’n, Baal le ka zui puai,” ti’thei ding la hem? Phâijawl ah la tat dan chu en inla, la thilbawl chu he ta’n; sangawngsau kitualtha la bang ah,

JEREMIAH 32:34

Ka min chuanna In chu subuak dingin, a milimteu chu a tâkdok tau a.

JEREMIAH 32:35

Hinnom chapa phâijawl ah chun, a chateu leh a chapateu Molekh kiang ah, mei ah lat ding ah a piakna ding un Baal thoimualte chu a tung ding tau a; zia chu ka thupiak le a hipua’n, ka lungthim ah le ka la gêl khâk lo, Judai gam ah mite thil phalo tak a la bawlsak guat ziak uh ahi.

EZEKIEL 16:20

Kei â ding ah chanu chapa lei hinpiakte chu, a kiang ua kithoina dingin la pia nalai a. La thanhuaina hile hun tawk nai lo ding a hem!

EZEKIEL 20:26

Keima hi Lalpa ka hi ti a hettheina ding un, a cha lutîl uh kithoina a piak ua, a hung tizat theina ding un, a thilpiak ma mau in ka hi’buak ta ahi.

EZEKIEL 20:31

La thilpiak uh lân ah, la chateu mei ah la lat phat ua leh, tu’ni tiang in la milimteu tawh, nanghaw kisubuak bep la hiu. Aw Israel Inkuante haw, nanghaw dot in um ding ka hem? Ka hin sungsia, nanghaw dot leh ho in um pua’ng ka, Lalpa Pathian in a tii, ti in.

THIAMPUTE LEKHABU 18:21

La Pathian min hi’tempot dingin la suante lak ah mi him him Molekh ho’na ding ah la lat lo ding ahi: Keima hi Lalpa chu ka hi’ngâl a.

MIKAH 6:7

Lalpa chu belamchal sâng tam takte ziak ah chun kipak ding a hia, sathau ah luang luipi sîng khat ziak ah chun kipak ding a hem? Ka bawlkhialnate ziakin a hem ka cha lutil chu ka piak ah, ka thagau gitlona ziak ah ka gil ah ga chu ka piak ding?

DAN LEKHABU 12:31

Amau ho gual in Lalpa la Pathian uh ho kiu in, a pathian honau ah chun, Lalpa kidak zosia leh a huat ma mate chu a bawl sek ngâl un. A chapa leh chanuteu nasan a pathian uh ho na’n mei in a hâl sek ui.

DAN LEKHABU 17:3

pathian dangte nasep piak ding leh ho ding ah chia a hem, nisa, thapi leh van lam ah thil umte ho leh biak ding ka khapsa a ho uh a hem;

DAN LEKHABU 18:10

La lak ua kuale a chapa a hem, a chanu a hem mei ah kithoina ding ah pia a hem, phunsânte, thugenlawk chîngte, ngaibel chîngte, dawi bawl chîngte,

JOSHUA 15:8

zia kipat chun Hinnom chapa guam, Jebushte kenliang gam simlam (zia chu, Jerusalem ahi) tiang in a kithung a; Rephaim phâiguam mallam ah Hinnom phâicham gâl, tumlam kâi ah tângvûm lam in a kithung pek a;