JEREMIAH 7:29 - PATHIAN LEKHABU THIANGTHO (BSI)

²⁹ La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

JEREMIAH 7:29 ပူးပေါင်းရင်းမြစ်များ

2 LENGTE 17:20

Ziaziakchun, Lalpa chun Israel nam zosia chu a pumnol ta’n, amau haw chu sukgenthei ah um dingin, ama mit mu ah kipat a kithial daw suak masiau, amau sugentheite khut ah chun a pedok tai.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

JEREMIAH 12:7

Ka In hi ka nusia ta’n, ka gote le ka taisan tai; ka lunggil tak ah ka dawi takte chu, a mêlmateu khut in ka pedok tai.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 16:6

Zia gam ah milian leh mineu chule thi gêl intiu in, vui hipua’n tiu in, kuama’nle sûn pua’nau; amau thi ziakin kuama ki-âtliam leh sam metkol le um diak pua’nau.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

JEREMIAH 3:21

Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

JEREMIAH 47:5

Gaza ah chêngte a lungdong gam tau ah, Ashkelon ah chêngte le a thip chil chel tau hi. Aw, a thilhitheinau um nalai sunte haw! Bang chan kisugenthei nalai ding la hiu em?

JEREMIAH 48:37

Mizosia’n sam mêt mui in, a khamul uh a mêt nâm tau hi; khut zosia âtliam ah um in, kawng zosia’n saidip puan ah gâk ahi tai.

JEREMIAH 6:30

Lalpa‘n amau chu a pom tâk lo ziakin, mite’n amau chu, “Dangkati umlo,” ahi a ti tau hi.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

KÂ LATE 5:22

Lei paithâk ziang lo ah, gen theilo khop ah la lung tuak lo, ka hi’lo ngal ua leh,

EZEKIEL 19:1

Nang in vang Israel lengte Sûnna La ding phuak inla,

EZEKIEL 28:12

Mihing, Tura lengpa Sûnna La phuak inla, a kiang in, Lalpa PATHIAN in zia gual hin a gen hi ti’n la: Nang pilna dim leh demna umlo ah mêlpha, bukimna tepte’na’ mat la hi.

AMOS 5:1

Aw Israel Inkuan ah mite haw, nang uh chung ah sûnna thu kâ La hi ngai tiam un:

MIKAH 1:16

La cha doi takteu hung liangvai dingte sûnna’n, la luchang uh metkol in, mulukol gual hial ah lukol in hung um tau in; la chateu sal ah pui mang in a um zo ta’ngal un.

MATTHAI 12:39

Himaleh, ama chun, Khangthak gilo leh ângkawm hatte’n tepte’na a hawl un; jawlnei Jonah tepte’na tilo ngal tepte’na dang piak hita pua’n a.

MATTHAI 16:4

Tu’lai khangthak gilo leh thanghuaite hin, teptena la hawl uh ahi maw; himaleh, Jonah teptêna longal teptena dang him him piak hipua’n a, a tia. Amau chu nusia in, a chia mang san tai.

MATTHAI 23:36

Titakzet in ka hil la hiu, zia zosia chu tu’lai khangthakte chung in hung tung in a.

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

NASEPTE 2:40

Chuleh, thudang tam tak tawh le hilchian in, a tilkho ah, “Tu’lai khang ah gitlonate lak ah kipat in kihukdok un,” a ti’n.

DAN LEKHABU 32:5

a cha giloten diklo tak in a la bawl tau ah; nam chavai leh mi lungkawite a hiu.