JEREMIAH 7:28 - PATHIAN LEKHABU THIANGTHO (BSI)

²⁸ A kiang un zia gual hin la gen ding ahi: Zia namte hin Lalpa, a Pathian uh thu gen a ngaisak puau in, a thu le a mang puau hi; a lak un thu dikna a um ta pua’n, a kam unle a suadok ta puau hi.

JEREMIAH 7:28 ပူးပေါင်းရင်းမြစ်များ

SAM 12:2

Mitin in mi maiphatna leh lungthim thua ngen pu’n, zuau thu ngen a gen tau hi.

SAM 50:17

Thununna la hua hen, ka thute hi la ngai paw’ngal in.

THUPILTE 1:7

Lalpa launa hi hetna bul ahi’n, mingolte chun pilna leh, hilna thu a ngainêp sek ui.

ISAI 30:9

Amau chu mithukhel, chapa lepchia, Lalpa hilna thu ngai nuamlote ahi ngal un.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 17:23

Chutisapi’nle, la pu leh pateu khan a la ngaisak nuam puau ah; a lung uh hi’tâk in, a la ngaisak nuam lo in, ka hilna thu a mang puau hi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

JEREMIAH 6:28

A lêng un milochal hel mangte a hiu a, gensiat ding hawl ah vak tawl tawl, sum-eng leh thîk gual ah lung tâk, nunsia tak ah tawi ngen a hiu.

JEREMIAH 6:8

Aw Jerusalem, vauhilna hi ngai in, achutiloleh, hun nungngat ing ka tin, nutsia ah um in, kuama chên lo’na’n, hun siam mai ding ka hi.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.