JEREMIAH 7:26 - PATHIAN LEKHABU THIANGTHO (BSI)

²⁶ ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

JEREMIAH 7:26 ပူးပေါင်းရင်းမြစ်များ

1 LENGTE 14:22

Judai gam ah mite chun Lalpa mit mu in thil phalo a bawl tau ah; a pu leh pateu bawl zosia khêl in a bawl uh, a gitlonau chun Lalpa a thangtawmsak ahi.

1 LENGTE 14:9

Himaleh, la masang ah um zosia sâng in thil phalo zawsêm la bawl tai: la chia ah, Pathian dangte la bawl ah, ei sulungna dingin milimte la sung ah, la nunglam lei ngatsan tai.

2 LENGTE 17:14

Himaleh, a ngaisak nuam diak puau ah, Lalpa a Pathian uh zui lo in, a pu leh pa teu lochal gual gual in a kihilochal tau hi.

2 LENGTE 17:15

A pu leh pateu haw kiang ah thu a la thunte leh dan a la bawlte kha a kihiatlosak tei tei ua, milim siamkawm ho in thil diklo a bawl tau ah; Lalpa thupiak zui lo in a kîmvêl ua mite chawndan chu a zui zaw tau hi.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

2 KHANGTHU 33:10

Manasseh leh a mipite kiang in Lalpa‘n thu gen maleh, amau chun a ngaisak nuam puau hi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

NEHEMIAH 9:29

Chuleh, la dan a zuitheina ding un la vauhil ah. A Chutisapi’nle kisathei tak ah um in, la thupiakte chu zui lo in, kua’nle a zui ah a hintheina ding ua thuguatte chu a botsiau ahi kha. A kisulochal ua, a ngawng uh hikhau in a ngaitha nuam puau hi.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

ISAI 48:4

Nang chu mi lu’lul, la ngâwng chu thîk gual ah khau, la chalki chule sum-eng gual ah tak, ahi ti ka he ngal a,

ISAI 5:4

Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

JEREMIAH 11:8

Himaleh, a ngai puau a, a bil uh le a daw diak puau hi; mi tin a lungtup phalo leh lu’lul dungzui in a um zing tau hi. Tichun, zia thuthung ah thute zosia hi a zui ding un thu ka pia’n; maleh, a zui diak puau hi.

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 17:23

Chutisapi’nle, la pu leh pateu khan a la ngaisak nuam puau ah; a lung uh hi’tâk in, a la ngaisak nuam lo in, ka hilna thu a mang puau hi.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 25:3

Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 25:7

Chutisapi’nle, lei ngaisak nuam puau ah; tichun, la khutsuak thilteu chun ei sulungna’n, nang uh â ding ah thil phalo la kibawldaw ta zaw sek ui, Lalpa‘n a tii.

JEREMIAH 26:5

la kiang ua thu gen ding ah kin tak ah ka hun sawl, ka suak jawlneite thugen haw la ngai lo ua leh vang, a la ngaisak lo hi maleu chinle,

JEREMIAH 29:19

Ka thu a ngaikhawk lo ziak uh ahi, Lalpa‘n a ti’n; ka suak jawlneite a kiang un chatlak lo ah ka thu vagen ding ah ka sawlte thu gen a ngai lo ziak uh ahi, Lalpa‘n a tii.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 32:23

tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

JEREMIAH 34:14

“Mitin in, a chipi Hebrai mi a kiang ah hung kizuaksa, la nasêm ua kum guk sung a pan nung un, a kum sagi’na sî’n leh la thâdaw sek ding uh ahi; la nau a sepnau ah kipat in la thâdaw tei tei diu ahi,” ti in. Himaleh, la pu leh pateu in ka gen a ngai puau ah, ka thugen chule a ngaitha puau hi.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 35:17

A kiang ua ka thu gen a ngai lo ziak leh, ka kona ei dawnhu nop lo ziak un, Judai gam leh Jerusalem khua chêng zosiate chung ah thil phalo, a chung ua tung ding ah ka la gensa chu a chung un hun tunsak ding ka hi.

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 6:10

Ka vauhilna thu ngai dingin, kua kiang ah gen ding ka hi tam? En tia, a nakhangteu chu vî lo ahi’n, bangma a hethei puau hi. Lalpa kamsuak chu a sim mawu in, a thu gen a kipakpi thei puau hi.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 9:13

Chun, Lalpa‘n a gen ah: A zui ding ua a ma-âng ua ka dan koite kilepsan ah, ka thute a mat lo ziak leh a zui lo ziak un,

EZEKIEL 12:2

Mihing, thunung lo Inkuante, mit nei ngal ah muthei lo leh, bil nei ngal ah hetheilote lak ah chêng la hi;

EZEKIEL 12:3

thunung lo Inkuan ahi ngal un. Ziaziakchun, mihing, sal ah tâng ding gual in la van siam inla; chuleh, sûnchang lai tak in, a mit muu in saltâng dingin pawtdok in; a mit muu ah mun khat ah kipat mun chuam ah um dingin chia in. Thunung lo Inkuan himaleu, a hiat thiam khâk ua leh.

EZEKIEL 20:30

Ziaziakchun, Israel Inkuante kiang in, Lalpa Pathian in zia gual hin a gen hi vati’n: La pu leh pateu dungsûn ah nang uh kisubuak ding leh a thil ki’dak um bawlteu del ah taijak ding la hiu em?

DANIAL 9:6

Ka lengteu leh ka milian milalteu, ka pu leh pateu leh ka gam ua mipi zosia kiang ah la min ah thugente, la suak jawlneite thugen ka la ngaisak ta puau hi.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.

MALAKI 3:7

La pu leh pateu hun lai ah kipat khan ka dan thuguatte la kihei mangsan un, la zawm ta puau hi. Ka lam ah hung kihei kit mai un, keile nang uh lam in hung kihei kit ing ka, sepai honte Lalpa chun a ti ahi. Ahi’n, nang un, “Bangti’n hung kihei kit ding ka hiu em?” la tiu a.

MATTHAI 21:38

Himaleh, a lou bawlte chun, a chapa chu a la mu phât un, a la kihotuak un, zia hi a golua ding pa chu ahi; hung un, a la that hitiu in, a gochan ding zosia chu ei un kilâk hitiu, a tiu a.

MATTHAI 23:32

La pu la pateu te’na chu sudim ngal tau in.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 8:20

La masang ua nam dangte Lalpa‘n a hi’mang gual in, nang unle Lalpa la Pathian uh aw la ngaisak lo ua leh, hun hi’mangthai ngei ngei ding ahi ngâl a.