JEREMIAH 7:25 - PATHIAN LEKHABU THIANGTHO (BSI)

²⁵ Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

JEREMIAH 7:25 ပူးပေါင်းရင်းမြစ်များ

2 KHANGTHU 24:19

Ahi’n la, Lalpa kiang lam ah amau haw pui kit dingin a jawlneite chu a sawl ah; a diklonau a vagen un; himaleh, a ngaisak diak puau hi.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

EZRA 9:7

Ka pu leh pateu hun laiah kipat tu’ni tiang hin ka gitlo’nateu chu a gil ma ma ta’n; keimau, ka lengteu leh ka thiamputeu khawlo’na ziak un, gam dangte lengte khut leh chemjamte âng leh, saltânna munte leh, gâl lâk ding leh mualphona zâhuai tak, tu’ni ka tuak gual uh hin ka la tuak tau ahi.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

ISAI 5:4

Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 25:3

Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

JEREMIAH 29:19

Ka thu a ngaikhawk lo ziak uh ahi, Lalpa‘n a ti’n; ka suak jawlneite a kiang un chatlak lo ah ka thu vagen ding ah ka sawlte thu gen a ngai lo ziak uh ahi, Lalpa‘n a tii.

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

EZEKIEL 2:3

Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 12:10

Jawlneite kiang in ka la gen tai; kilâkna supung kei ka hi. Jawlneite mangcha’n la chung ua siatna tunsak ding ka hi.

AMOS 2:11

La chateu lak ah khenkhat jawlnei hiding leh, la tangvalteu nazarit hiding in ka tungdok a. Aw Israel chate haw, zia gual chu hilo maw? ti in.

MALAKI 3:7

La pu leh pateu hun lai ah kipat khan ka dan thuguatte la kihei mangsan un, la zawm ta puau hi. Ka lam ah hung kihei kit mai un, keile nang uh lam in hung kihei kit ing ka, sepai honte Lalpa chun a ti ahi. Ahi’n, nang un, “Bangti’n hung kihei kit ding ka hiu em?” la tiu a.

LUKA 11:49

Ziaziak hin, Pathian pilna chun zia gual hin a la gen hi: ‘Jawlneite leh nungzuite hun sawl ing ka tin, a lak ua khenkhat chu that intiu in, khen khat chu genthei tak in bawl in au, a ti kha.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.