JEREMIAH 7:24 - PATHIAN LEKHABU THIANGTHO (BSI)

²⁴ Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

JEREMIAH 7:24 ပူးပေါင်းရင်းမြစ်များ

NEHEMIAH 9:29

Chuleh, la dan a zuitheina ding un la vauhil ah. A Chutisapi’nle kisathei tak ah um in, la thupiakte chu zui lo in, kua’nle a zui ah a hintheina ding ua thuguatte chu a botsiau ahi kha. A kisulochal ua, a ngawng uh hikhau in a ngaitha nuam puau hi.

SAM 81:13

Aw, ka mite hin ka thu ngai in, Israelte hin ka lampite a la hawleu chu aw!

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 17:23

Chutisapi’nle, la pu leh pateu khan a la ngaisak nuam puau ah; a lung uh hi’tâk in, a la ngaisak nuam lo in, ka hilna thu a mang puau hi.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JEREMIAH 18:10

ka mit mu ah thil phalo a bawl ua, ka thugen a ngai diak lo uh chun, a chung ua thilpha bawl ding ah ka la guanggalna lungthim chu theng kit ziang ding ka hi.

JEREMIAH 18:12

Himaleh, amau chun, “Bang dukdak ahi puai! I lungtup gual gual un um hitiu in, lu’lul tak ah I thil tup uh phalo dungzui chiat ah I um ding uh ahi,” a tiu a.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 32:23

tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

JEREMIAH 9:14

a pu leh pateu in a hilnau dungzui ah Baal a delzui un, lu’lul tak ah a lungthim dawi dan uh a zui zawk tak ziak un.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:16

Ka thuguatte a nol un, ka dan thuguatte zui lo ah ka sabbath nite a hi’buak ziak un; chuleh, a lungthim un a milimteu a lunggul zaw ngal un.

EZEKIEL 20:21

Himaleh, a chateu chu ka chung in a hel tau a; ka thuguatte chu zui lo in, ka vaihawmnate chu mitin in a zui ua, a hinna ding uh chu zawm dingin a vop diak puau in; ka sabbath nite le a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

DANIAL 9:6

Ka lengteu leh ka milian milalteu, ka pu leh pateu leh ka gam ua mipi zosia kiang ah la min ah thugente, la suak jawlneite thugen ka la ngaisak ta puau hi.

HOSEA 10:6

A milim ho uh chu Assuria gam lam ah, leng lopi tak golgûkna ding ah puak tung hi’n a. Ephraim chu mualpho tak ah koi hi’ntin, Israel in a milimte chu mualphopi ta’n a.

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

ZEKARIAH 7:11

Himaleh, a ngaisak nuam puau ah, a kiu uh a sang pawm ua, a hetlo’na ding un a bil uh a hûm tau a.

DAN LEKHABU 29:19

Tu’ni la kitiamnau thute heta ngâl ah, a lungthim ah, “I lampiteu ah lochal tak in a la chia ta maleu hinle, a pha lam ngen in hung um jel na’n ah,” ti la um uh chun, (la lak ua mipha leh mi phalo kibang tak in la leng un manthai khawlaw mai ding la hiu.)