JEREMIAH 7:23 - PATHIAN LEKHABU THIANGTHO (BSI)

²³ Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 7:23 ပူးပေါင်းရင်းမြစ်များ

JOB LEKHABU 36:11

A ngaisak ua, a na a sep ua chun, a dam sung nikhuau chu, muizang tak in a mang tum sek un, a kumteu chule nuam tak in a mang zo sek ui.

SAM 119:3

diklona him him bawl lo ah, a lampite haw sek mite ngei chu.

SAM 40:6

Kithoina leh thillat chung ah, kipakna him la nei pua’n, ahi’n, nakhang pil tak lei pia zaw tai. Hâlmang thilpiak leh, gitlo thoina thilpiak chu lei phût puai.

SAM 81:13

Aw, ka mite hin ka thu ngai in, Israelte hin ka lampite a la hawleu chu aw!

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 16:32

Tichun, Mosi’n, “Zia hi Lalpa’n thu ei piak chu ahi: La khang khang ua um dingin Omer te’na dim khat lau inla, Aigupta gam ah kipat ka hun puidaw lai ah, gamthip ah ka hun vâkna vaithum chu la mu zing theina ding un koitup un, a tii,” a tia.

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

JEREMIAH 11:4

zia chu la pu leh pateu Aigupta gam ah, thîk hâltuina thukkhûk ah kipat ka puidaw lai ah, a kiang ua, ka thugen ngai unla, ka thupiak zosia hi la zui ding uh ahi. A chutileh, ka mite hin la tiu in, keile la Pathian uh hi’ng ka tin;

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:23

tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

JEREMIAH 38:20

Jeremiah in, Zia gual chun hun bawl pua’n au, la kiang ah Lalpa thu ka gen hi ngai mai in; chutileh, nang â dingin pha’n tin, chuleh, la hinna le humbit hiding ahi.

JEREMIAH 42:6

Lalpa ka Pathian thuu ka mat ua, kei uh â ding ah thilpha a hitheina dingin, Lalpa ka Pathian uh aw he ding ah ka hun sawlnau thu chu, a pha hi’n, a sia hileh mang him him ing kau,” ti’n a dawnhu tau a.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

ZEKARIAH 6:15

Gamla tak ah umte chu Lalpa tempul sakpi dingin hung in au; zia phat chuleh, sepai honte Lalpa chun la kiang un ei sawl ahi ti hechian ta’n lau. Lalpa la Pathian uh aw pha tak ah la ngaithâk uh chun, zia gual ah chun hung guitung ngei ngei ding ahi, a tii, ti’n gen in, a ti tai.

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

DAN LEKHABU 11:27

Tu’ni ka gen gual ah, Lalpa la Pathian uh thu la zop uh chun maljawlna hi’ntin;

DAN LEKHABU 13:4

Lalpa la Pathian bep uh la zui ua, ama bep la lau ua, a thupiakte bep la zui ua, a aw bep la ngai ua, ama na bep la sep ua, ama bep la tûkchak ding uh ahi.

DAN LEKHABU 13:5

Zia gual ah jawlnei leh mang nei taphot chu, Aigupta gam ah la suak channau In ah kipat hun puidokpa, Lalpa la Pathian uh thupiakte la pêtsan theina ding ua hun pui mang gua a hiziak un, la thagam ding uh ahi. Zia gual ah chun la lak ua kipat thil phalo chu la sukthian zel ding uh ahi ngâl a.

DAN LEKHABU 30:2

tu’ni ka hun thupiak gual ah, nangmau leh la chateu in la lungthim zosiau leh la ngaituanau zosia ah, Lalpa la Pathian uh kiang lam ah la hung kile’kit ua, a kamsuak zosia la hun zop phat ua leh,

DAN LEKHABU 30:20

la pu leh pateu Abraham, Isak leh Jakob kiang ah Lalpa‘n piak ding ah a la tiamna gam ah chun la hin nikhuau a sawt theina ding in, Lalpa la Pathian uh chu la hepiu ah, a thute la mat ua, ama bep chu la bêlchâk zing ding uh ahi.

DAN LEKHABU 30:8

Ziaphat chuleh, tu’ni ka hun thupiak zosia hi zui in, Lalpa thu mang ta’n lau,

DAN LEKHABU 4:10

Horeb tâng ah Lalpa la Pathian âng ah la din lai ua, Lalpa‘n ka kiang ah, “Mipite chu ei ko khawm piak inla, ka thu hil ing ka; lei chungah a dam sungsiau ah ei lau theina ding uh leh a chateu a hilsawn theina ding un;

DAN LEKHABU 4:40

Nanghaw leh la nung ua la tû leh chateu â ding ah thilpha ahi theina ding leh, Lalpa la Pathian un a hun piakna gam ah la um sawt theina ding un, tu’ni ka thupiak dungzui ah hin ama dan leh a thupiakte chu zawm tau in.

DAN LEKHABU 5:16

Lalpa la Pathian thupiak dungzui un la nu leh pa ja un; tichun, Lalpa‘n a hun piakna gam ah hin lamzang in la tiu in, la dam kum uh le sawt in ah.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

DAN LEKHABU 5:33

La gam luana ding ua chu la dam sawt ua, lam zang tak ah la hin theina ding un, Lalpa la Pathian un thu a hun piak gual tak in la zop ding uh ahi, a tia.

DAN LEKHABU 6:3

Ziaziakchun, aw Israelte haw, ngai tiam un; la suantuteu Lalpa, Pathian in a kiang ua a la kitiamna dungzui a, bawngnawi leh khuaizu luanna, gampha ah nasa tak ah la hung pun ua, la lamzan theina ding un chingthei tak in zui tau in.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.