JEREMIAH 7:20 - PATHIAN LEKHABU THIANGTHO (BSI)

²⁰ Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 7:20 ပူးပေါင်းရင်းမြစ်များ

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

ISAI 10:17

Israelte Vâk chu mei gual hung hi’ntin; a Mithiangtho uh chule meikuang gual hung hi’n a; tichun, a ling leh a khauguite chu, ni khat sung in hun kâng tum ta’n a.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

JEREMIAH 11:16

Tu’ma lam ah khan Lalpa‘n, “Oliv thinghing, ga pha leh hoi,” ti min a hun sak ah. Ahi’n, tu’hin vang van-gi tawh mei in hun hâl intin, a bakte chu kâng tum ta’n a.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 18:23

Aw Lalpa, nang in vang, ei tha’na ding ah a thil guanggal zosiau hi hezing in. A khawlonau hi ngaidam kin la, a gitlonau hi kimulosak diak kin. La ma-âng ah kisep puk uh hen la, la lungnat lai tak in amau chu soisa ta’n.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 42:18

Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

JEREMIAH 8:13

Amau ka lak khawm guat phatin, grep gui ah a ga a la um ta pua’n, theichang kung inle a ga a la um ta puai; Lalpa‘n a tii; a duate nasan a vuaitha zo ta’n, amau ka piakte natiangle a la um ta puai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 22:22

Dangka thîk hâltuina mei ah hâltui ahi gual in, nanghaw le a sung ah hâltui hi’n lau; tichun, Keima Lalpa hin ka lungnatna la chung un but khum ka hi ti he ta’n lau, ti’n a gen a.

EZEKIEL 7:12

Hun chu a hung tung ta’n, a ni chu a nai tul tul tai; a chawte chu kipak kiu hen la, a zuakte chule lungngai diak kiu hen; lungnatna chu a mipite chung ah chu ding ahi ngal a.

EZEKIEL 7:14

Pengkul a mût un, bangkim a siam zo tau hi! maleh, kuama kido’na mun in a chia puau in, ka lungnatna a leng ua chung ah um ahi ngal a.

DANIAL 9:11

Israel mite zosia’n la dan chu bawtsia zo ta’n, a hilo lam in ka kiheimang zo tau ah, la aw ka ngai nuam ta puau hi. Chuleh, la chung ah ka la gitlo tâk ziak un, Pathian suak Mosi dan lekhabu ah kizik, hânsia leh kipau tiamna zosia ka chung un but khum in ka um zo tau hi.

THIAMPUTE LEKHABU 26:28

lungna tak in nang uh lang in umzing ing ka tin, la gitlonau a le’sagi’n hun thuk ding ka hi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

ZEPHANIAH 1:2

Lei chung ah kipat in thil zosia sumangthai sik sek ding ka hi, Lalpa‘n a tii.

ZEPHANIAH 1:3

Mihing leh ganhing zosia, sumangthai ding ka hi; chunglêng vachate leh, tuisuagiat ah sangate tawh sumangthai ding ka hi. Mi nunsiate kipalsak ing ka tin, lei chung ah kipat in mihing cha sumangthai ding ka hi, Lalpa‘n a tii.

ZEKARIAH 7:12

Sepai honte Lalpa chun jawlnei masate mang ah, a thagau ah thu a vaithâk leh a dan thupiakte chu a ngaisaklo’na ding un, a lungthimteu chu a sutâk zo tau a. Ziaziakchun, sepai honte Lalpa lungnatna huaisia tak chu a hung tung tai.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

THUPUAN 14:10

ama chun Pathian lungnatna uain, bangma tawh hel lo, a lungnatna no ah kisung chu dawn intiu in, vansawlchâk thiangthote leh Belamno ma-âng in mei leh kât ah sukgenthei hi’n au.