JEREMIAH 7:18 - PATHIAN LEKHABU THIANGTHO (BSI)

¹⁸ Van lal kiang ah lat ding, vaithum kanna ding a chateu in thing a chom un, a pateu in mei tik in, a nuteu in vaithum a mêk ui; chuleh, ka lungnat choktho dingin pathian dangte kiang in dawnchi thillatte a sungdok ui.

JEREMIAH 7:18 ပူးပေါင်းရင်းမြစ်များ

1 LENGTE 14:9

Himaleh, la masang ah um zosia sâng in thil phalo zawsêm la bawl tai: la chia ah, Pathian dangte la bawl ah, ei sulungna dingin milimte la sung ah, la nunglam lei ngatsan tai.

1 LENGTE 16:2

“Zia gual lawm lawm ah hin leivui lakah kipat in ka hun ladok ah, ka hun chawilian ah; ka mipi Israelte chung ah leng in ka hun koi ah; nang in Jeroboam umdan zui ah, a gitlonau ah ei lungnatsak dingin; Ka mi Israelte la gitlosak ahi.

SAM 16:4

Pathian dang bêlte chu a lungkhamnau pung intin; a thisan thil latteu chu sungtha pua’ng ka tin, ka mûk in a min uh lam diak pua’ng ka.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

ISAI 57:6

Phâijawl ah suangpêk zol tak tak te lak ah, la chantum ding uh a um in; amau, amau haw ma ma chu la vâng ua kia a hiu; amau kiang ah chun dawnchi kithoina tuite chu, la sungtha sek un, nêkthei le la pesek uh hilo a hem? Zia thilte ah chun lungdam ding ah, lei ngaituau a hem?

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

ISAI 65:3

ka maichang ngei ah ei cho lungna zing un, chêktang kilem khawm chung ah gimtui hâl ah, huan sung tincheng ah kithawi mai mai sekte a hiu in;

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 17:2

a tu leh chateu in thingbul tin leh mualvum tincheng leh, gamlak tincheng ah a mâichâmte uh leh a dawikhuamteu chu a hezing ngal un.

JEREMIAH 19:13

Jerusalem ah In zosia, Judah lengte In zosia leh, van lam thilte ho’na ding ah thilpiakte lân ah, pathian dangte kiang ah dawnchi thillat butthâkna In zosia pum in, Topheth mun gual hial in sukbuak in hung um ta’n a.

JEREMIAH 25:7

Chutisapi’nle, lei ngaisak nuam puau ah; tichun, la khutsuak thilteu chun ei sulungna’n, nang uh â ding ah thil phalo la kibawldaw ta zaw sek ui, Lalpa‘n a tii.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 44:25

Sepai honte Lalpa, Israelte Pathian chun zia gual hin a gen hi: ‘Van lengnu kiang ah thillat leh uain lân ding ah ka la kitiamnau mualsua ding ka hiu,’ kam ah la tiu chu, nanghaw tawh la jiteu in a tak tak in la mualsua ta mai ui. Bang hileh, la thutiam uh chu mualsuau inla, la thilpiak dingteu chule pia zing tau in!

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 7:17

Judai gam ah khawpi sung leh, Jerusalem khawlai dung ah a thilbawlteu chu mulo la hiu em?

KÂ LATE 5:13

Tangvalte chu a chamlo un bu a hêksak un; naupangte chu hoi dong dong in, thingtum puaksak a hiu.

EZEKIEL 16:26

La Invêng Aigupta, mi hukte chu tawh thanghuai tak in la um tau ah, ka lungnatna supung dingin la thanghuaibe nalai hi,

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 8:16

Chun, Lalpa In huang sungnung ah ei pui lût a; zia tak ah Lalpa tempul lûtna, hulliap tawh mâichâm kikâl ah pawsal sawmni leh nga ding vêl, Lalpa tempul nungngat ah, sualam nga, sualam ah nisa ho ah khiangkhote chu a la um un.

EZEKIEL 8:17

Ziaphatchun, ka kiang in, “Aw mihing, ziate chu la mu em? Judah Inkuante’n zia tak ah thil phalo a bawl uh hi ki’dak um tawk hilo a hem? Gam pumpi hiamngamna’n a hi’dim un, ka lungnatna choktho sawn sawn lo ding a hiu em? En in, a nâk uh a sunîl tau hilam!

1 KORINTH 10:22

Lalpa chu thangsiat sak gua I hiu em? Ama sâng in I hat zawu ah a hem?

DAN LEKHABU 32:16

Gam dangte pathian chu a thangsiat sak un, ki’dak um tak in a sulungna tau hi.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.

DAN LEKHABU 4:19

Chuleh, van lam en ah la dakdok ua, Lalpa la Pathian un van nuai nam tin lak ah a hawm gual sa nisa, thapi, aksite leh van ah thil um zosiate chu la mu phât ua leh, Pathian gual ah ho ding ah pui mang in um kiu in.