JEREMIAH 7:17 - PATHIAN LEKHABU THIANGTHO (BSI)

¹⁷ Judai gam ah khawpi sung leh, Jerusalem khawlai dung ah a thilbawlteu chu mulo la hiu em?

JEREMIAH 7:17 ပူးပေါင်းရင်းမြစ်များ

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 32:32

ziaziakchun, Israel mipite leh Judai mipite zosia’n, ei sulungna ding ah a thil phalo bawlteu zosia ziakin, amau, a lengteu leh a milian leh lalteu, a thiamputeu leh a jawlneiteu, Judai gam ah mipite leh Jerusalem khua chêng zosia tawh a leng un ka mit mu ah kipat in sumangthai sik sek ding ka hi.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

JEREMIAH 6:27

Ka mipite lak ah hin nang chu enchian ding leh, thitthiang dingin ka hun siam a, a um dânteu chu la hetchian a, la etchian theina ding un.

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

JEREMIAH 7:18

Van lal kiang ah lat ding, vaithum kanna ding a chateu in thing a chom un, a pateu in mei tik in, a nuteu in vaithum a mêk ui; chuleh, ka lungnat choktho dingin pathian dangte kiang in dawnchi thillatte a sungdok ui.

EZEKIEL 14:23

A umdanteu leh a thilbawl danteu la mu phat leh, amau chun hun thamuan ta’n au; ziaphat chuleh, a chung ah ka thilbawl zosia hi a ziak leh jal bei ah ka bawl hilo ahi ti he ta’n la, Lalpa Pathian in a ti ahi.