JEREMIAH 7:11 - PATHIAN LEKHABU THIANGTHO (BSI)

¹¹ Zia In, ka min ah kisa hi nanghaw mit mu ah suammangte chênna hiziang ding a hem? Entha zing ka hi ti la he’nau hi, Lalpa‘n a tii.

JEREMIAH 7:11 ပူးပေါင်းရင်းမြစ်များ

2 KHANGTHU 6:33

nang in la umna van ah kipat in a la ngaitha’n la, nam dangte’n le a hun ko phat ua leh, a lungthim dungzui chiat un a la dawnhu sek in; tichun, la mipi Israelte’n a hun lau gual ua lei chung ah mi zosia’n la min a hun het ua, a hun lau theina ding un leh; zia In ka sak hin la min chu pu ahi ti a hiattheina ding un.

ISAI 1:12

Ka ma-âng ah la hung kilâk phat uh leh, ka In huang sung chuanchil ding bep ah, bang ding ah hung sek la hiu em?

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

JEREMIAH 2:34

In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 23:24

Ka mu theilo ding ah kisêlgû thei kua a hem um? Lalpa‘n a tii. Van hileh, lei chung hileh lua suak hilo ka hi em? Lalpa‘n a tii.

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 7:10

ka kiang lam ah hung in, zia In, keima min ah kisa ah hin ka ma-âng ah hung dingin, zia gual thil ki’dak um zosiate hi bawl zing kawm in, “I bit nalai ui,” ti tei tei nalai ding la hiu em?

EZEKIEL 35:13

Kiletsak tak in keima kãl in thu la gen un, lei demna thuu la gen tam ma mau hi; zia zosia chu ka he tai,” a tia.

DANIAL 9:18

Aw ka Pathian, la bildaw inla, ei ngaitha’n. La mit hak inla, ka chung ua siatna tung leh, la min ah kiphuak khawpi hi hun en ta’n. Ka diknau suang hilo in, la ja’ngaina nasat ziak zaw’n la man ka hun don uh ahi.

MATTHAI 21:13

A kiang un, Ka In chu pauchapna In kiti ding ahi, ti ah kizik ahi; himaleh, nang un guchate kikhum khawmna’n la mang ui, a tia.

MARKA 11:17

A kiang ua thu hil in, zia gual hin a gen a: “Ka In chu namtin â ding ah pauchapna In kiti ding ahi, ti zik hilo a hem? Nang un vang gucha hon kikhum khawmna’n la mang ui,” a tia.

JOHAN 2:16

Vapâl zuakte kiang ah chun, “Zia thilte haw hi ladok sik sek un; ka pa In sumkawlveina’n mang kiu in,” a tia.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.