JEREMIAH 7:10 - PATHIAN LEKHABU THIANGTHO (BSI)

¹⁰ ka kiang lam ah hung in, zia In, keima min ah kisa ah hin ka ma-âng ah hung dingin, zia gual thil ki’dak um zosiate hi bawl zing kawm in, “I bit nalai ui,” ti tei tei nalai ding la hiu em?

JEREMIAH 7:10 ပူးပေါင်းရင်းမြစ်များ

1 LENGTE 9:3

Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

2 LENGTE 21:4

Lalpa In sung ah chun pathian dangte hona mâichâm a hun siam ah, Lalpa chun Jerusalem ah ka min umna ding ah ka ti ahi, a ti’na mun ah khan a koi tai.

2 KHANGTHU 33:4

Lalpa‘n a la gensa, “Jerusalem ah chun ka min a um zing ding ahi,” a la ti’na mun, Lalpa In ah chun pathian dang mâichâm a hun siam kit a.

2 KHANGTHU 33:7

A milim siam haw chu Pathian In ah chun a koi ah, zia mun thu ah hin Pathian in David leh a chapa Solomon kiang ah khan zia gual hin a la gen ta’ngal a: “Israel nam zosia lak ah kipat ka têlchuam, Jerusalem khua zia In ah hi’n kumkhua’n ka min koi ding ka hi’n;

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

JEREMIAH 32:34

Ka min chuanna In chu subuak dingin, a milimteu chu a tâkdok tau a.

JEREMIAH 34:15

Tu’naicha khan nang un la thilbawl dan uh kisik in, ka mit mu ah thilpha bawl in, mi tin thâdaw’na ding thu la puang tau a; chuleh, ka min ah ko ah umte In sung ah kipat in, ka kiang ah thuthung la la siam tau a;

JEREMIAH 44:9

Judai gam leh Jerusalem kotzingte ah, la pu leh pateu, Judai gam ah lengte leh a jiteu, nanghaw leh la jiteu in tual la tha’nateu haw kha hemil zo la hitau em?

JEREMIAH 7:11

Zia In, ka min ah kisa hi nanghaw mit mu ah suammangte chênna hiziang ding a hem? Entha zing ka hi ti la he’nau hi, Lalpa‘n a tii.

JEREMIAH 7:14

ziaziakchun, la pu leh pateu leh nanghaw tiang ah la lua ding ua ka la piakna mun leh, ka min ah kiphuak zia In hi, Shilloh chung ah ka bawl gual khan hun bawl ding ka hi.

JEREMIAH 7:30

Ka min ah kisa In chu subuak dingin, ki’dak um tak thilte a sung in a koi un; Judai gam ah mite chun ka mit mu in thil phalo tak a bawl ta’ngal un, Lalpa‘n a tii.

EZEKIEL 20:39

Aw Israel mipite haw, ka thu la ngai lo ding vânglak uh leh, tu’ kipat hin chiau inla, mitin in la milimteu ho mai tau in; ahi’n la, la thilpiakteu leh la milimteu in ka min hi’buak ta kiu in.

EZEKIEL 23:29

hun haw ma ma kawm in hun soisa’n tiu in, la sepgimna gau lâkpiak in, khutngawn ah nutsia ah um in, la thanhuaina zosia hawkdaw piak hita’n la.

EZEKIEL 23:37

A zawntat ziak un, a khut uh thisan a nât kawm in; a milimteu tawh a zawntat tau ah, kei â ding ah cha a hinteu natiang chu a an ding un a pedok un.

EZEKIEL 23:39

A milimteu kiang ah kithoina ding ah a chateu a thalup niu ma ma in, ka munthiang hi’buak dingin a hung lut un. Ka In ah zia gual chun thil a bawl ui.

EZEKIEL 33:25

Ziaziakchun, Lalpa Pathian in zia gual hin a gen hi, la vati ding ahi: Nang un sa a thisan pum in la neu a; chun, la milim pathianteu chu la ho nalai un; chun, thisan la suau ah. Chuti gual ah um zing ah chun, bangti’n gam chu lua thei ding la hiu em?

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

EZEKIEL 5:11

Ziaziakchun, Lalpa Pathian in, ama kiminlaw in, “Ki’dak la umnau zosia leh, la polchenau zosia ah ka mun thiangtho la sukbuak zaw tâk ziak un, hun dangdâk ding ka hi; ka mit inle hun en pua’ng ka tin, daidawp talo ding ka hi.

DANIAL 9:18

Aw ka Pathian, la bildaw inla, ei ngaitha’n. La mit hak inla, ka chung ua siatna tung leh, la min ah kiphuak khawpi hi hun en ta’n. Ka diknau suang hilo in, la ja’ngaina nasat ziak zaw’n la man ka hun don uh ahi.

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.

ZEPHANIAH 1:5

Inchung ah kipat aksi honte ho ah; Lalpa ho ah kitiam ah, Milkom pathian ah le kitiam ah,

MALAKI 3:15

Tu’hin, mi kiletsakte chu mi nuamsa I tiu ah; thil phalo bawlte chu a vangphat mai uh le hilo in, Pathian a patep lai unle a suakcha nalai un,” I tiu a.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

JOHAN 18:28

Jesu chu Kaiapha In ah kipat in, vaihawmna Inpi lam in a pui tau a. Zia chu jingkhang ahi nalai a. Amau haw chun, Chiakân Kût an nêk theina ding ah kisukbuak khâk ding uh a kivên ziak un, zia vaihawmna Inpi sung ah chun a valût puau hi.