JEREMIAH 6:8 - PATHIAN LEKHABU THIANGTHO (BSI)

⁸ Aw Jerusalem, vauhilna hi ngai in, achutiloleh, hun nungngat ing ka tin, nutsia ah um in, kuama chên lo’na’n, hun siam mai ding ka hi.

JEREMIAH 6:8 ပူးပေါင်းရင်းမြစ်များ

SAM 2:10

Tu’hin, Aw lengte haw, pil tau in; lei chung ah vaihawmte haw, zia hi helawk tau in!

SAM 50:17

Thununna la hua hen, ka thute hi la ngai paw’ngal in.

SAM 94:12

Aw Lalpa, la thunun ah, la dan dungzui ah la zilsakte chu, mi hampha a hiu in,

THUPILTE 19:20

Tu’nung ah mipil la hung hitheina dingin, mi thuhilna ngaitha’n la, zilgaina le pom in.

THUPILTE 4:13

Zilgaina chu tudet inla, tha’suak ta kin; chingtup in, la hinna ahi ngal a.

JEREMIAH 17:23

Chutisapi’nle, la pu leh pateu khan a la ngaisak nuam puau ah; a lung uh hi’tâk in, a la ngaisak nuam lo in, ka hilna thu a mang puau hi.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 31:19

Ka vâkmang zaw phatin, ka kisik ta’ngâl a; mudaw ka hi’phatin, ka malpi ka bêng a; ka khanglai nunsiatna ka put zing ziakin, ka mualpho in, ka lungngai hi,” ti in

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 7:28

A kiang un zia gual hin la gen ding ahi: Zia namte hin Lalpa, a Pathian uh thu gen a ngaisak puau in, a thu le a mang puau hi; a lak un thu dikna a um ta pua’n, a kam unle a suadok ta puau hi.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

EZEKIEL 23:18

Nîk leh puan bei ah thanghuai tak ah a kinoptel lai in, a suapinu ka la ki’dak ma ma gual khan ama le ka kiheisan tai.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 9:12

Chate hun nei ta mawng leule, pakhat ziang le a sûn lo uh koi pua’ng ka. Amau ka nutsia dingte chung chu a gik na lawm lawm e!

THIAMPUTE LEKHABU 26:34

Chun, nang un la mêlmateu gam ah um ding ah la gam uh la nutsia sung un, gam in sabbath kum a la nei intin; zia sung ah chun gam chu a la chawldam ding ahi.

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.