JEREMIAH 6:7 - PATHIAN LEKHABU THIANGTHO (BSI)

⁷ Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.

JEREMIAH 6:7 ပူးပေါင်းရင်းမြစ်များ

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 57:20

Himaleh, mi nunsiate chu vang, tuisuagiat kichok het hut ah, umthim theilo gual chu a hiu a; a tui kinawkte chun buanthuak leh ki’dak, a nawkdok sek ui.

ISAI 59:6

Momgângte chu a sil leh chên un pang pua’n tin, a thilsiam un kuama kivan pua’n au. A thilbawl taphot uh khawlona ngen ahi’n, a khut un thagum sua’na ngen a um hi.

JEREMIAH 20:8

Thu ka gen phot leh ka kikojak in, “Kipawngbawlna leh suksiatna ngen ahi!” ti’n kikojak ding ka hi. Lalpa thu chu kei â ding ah sun nitum tum ah musitna leh, dem ka law’na bep ahi ta’ngal a.

JEREMIAH 30:12

Lalpa‘n zia gual hin a gen tai: La natna chu sukdam thei ding gual ahi puai, la beliam a huaisia ma ma ngâl a.

JEREMIAH 30:13

Nang hun panpi ding kuama a um puau a, la liamna damdawi dingle a um pua’n, la damna ding him a um puai.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.

JEREMIAH 32:31

Zia khawpi hi a kisak lim ah kipat tu’ni tiang hin, ka lungnatna leh thangtawmna a la choktho zing ahi;

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

EZEKIEL 21:29

Nang â ding ah kilâkna lêm etsak, nang thêm ding ah âisânna zuau thu leh, nunsiate ngâwng ah chemjam, a chung thu vaihawmna nunung ding chu, a hung tung hi.

EZEKIEL 24:7

A mithate thisan chu a khua sung in a luang ngal a; leivui in a sêl thei ding ah lei tual ah sungtha lo in, suangpi keu chung in a bunthâi.

EZEKIEL 45:9

Lalpa Pathian in zia gual hin a gen hi: Aw Israel lengte haw, a hun tai! Hiamngamna leh kihi’gentheina haisan unla, diktatna leh thudik in vaihawm tau in; ka mite a gam ua kipat nawdok ta kiu in, Lalpa Pathian in a tii.

EZEKIEL 7:11

Kipawngbawlna chu nunsiatna mol in a piting tai. A neinungnau leh a hausaknau khat chale umden ta pua’n tin; a lopinau le um diak ta pua’n a.

EZEKIEL 7:23

Thikkhau bul un! Gam pumpi tualthana thisan in a dim ta’ngal a; khawpi sung le hiamngamna’n a dim zo tai.

ZEPHANIAH 3:1

Nuaisia hat, khawpi buak leh polche!