JEREMIAH 6:6 - PATHIAN LEKHABU THIANGTHO (BSI)

⁶ Sepai honte Lalpa‘n zia gual hin a gen hi: A thingteu chu phuk un; Jerusalem bulu’na ding panmun siam un. Zia khawpi hi gawt tei tei hiding ahi, a sung ah kipawng bawlna lo’ngâl, bangma dang a um paw’ngâl a.

JEREMIAH 6:6 ပူးပေါင်းရင်းမြစ်များ

ISAI 37:33

Ziaziakchun, Lalpa‘n zia gual hin Assuria lengpa chung thu ding chu a gen hi: Zia khawpi sung hin hung lut pua’n tin, thalchang khat ziang le hung kâpdok pua’n a. A phaw le hun paw lut pua’n tin, khawpi lutna dinginle panmun hung bawl pua’n a.

JEREMIAH 20:8

Thu ka gen phot leh ka kikojak in, “Kipawngbawlna leh suksiatna ngen ahi!” ti’n kikojak ding ka hi. Lalpa thu chu kei â ding ah sun nitum tum ah musitna leh, dem ka law’na bep ahi ta’ngal a.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 32:31

Zia khawpi hi a kisak lim ah kipat tu’ni tiang hin, ka lungnatna leh thangtawmna a la choktho zing ahi;

JEREMIAH 33:4

Lalpa, Israelte Pathian chun, chemjam ah gâldo’na nang ding ah kulbâng kisiam chim zo ta, zia khawpi ah chêngte leh Judai lengte Inkuan chungchâng thu zia gual hin a gen hi:

JEREMIAH 39:1

Judai gam ah Lengpa Zedekiah lal kum kua’na, tha sawmna chun, Babulon Lengpa Nebukadrezar in a sepai zosia Jerusalem do dingin a hun pui ah, a ûm chimit tau a;

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

EZEKIEL 4:2

mêlmate’n a ûm chilnau lim jik inla, sepaite panchâkna kuak leh kulbâng leh sepaite giamun limte ûm kîmvêlsak in.

EZEKIEL 5:5

Lalpa Pathian in zia gual hin a gen a: Zia Jerusalem hi, gam dang in a ûm kîmvêl, namtin â ding ah gam lailung ah ka koi ahi.

DANIAL 11:15

Chuleh, mallam lal hung kuan in panmun siam intin, khawpi kul det tak chu la ta’n a. Tichun, mallam sepaite pang zo ta pua’n tiu in, a sepai doichuamteu le pang zo diak lo ding a hiu; mêlma do-na ding ah tha leh zung nei um talo ding ahi ziak un.

ZEPHANIAH 3:1

Nuaisia hat, khawpi buak leh polche!

LUKA 19:43

Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in.